దేవ‌దాస్ విష‌యంలో నాగ్ అలా చేశాడేంటి?

టాలీవుడ్ ట్రెండ్ సెట్ట‌ర్ `శివ `త‌ర్వాత ఆ స్థాయి సినిమా అంటూ నాగ్ తో వ‌ర్మ `ఆఫీస‌ర్ ` ను తెర‌కెక్కించిన సంగ‌తి తెలిసిందే. అయితే, ఆ సినిమాలో వ‌ర్మ చెప్పినంత విష‌యం లేక‌పోవ‌డంతో అది డిజాస్ట‌ర్ అయింది. త‌న జ‌డ్జిమెంట్ విష‌యంలో నాగ్ కూడా పొర‌పాటు ప‌డ్డాడ‌ని టాక్ వ‌చ్చింది. ఈ నేప‌థ్యంలోనే నాగ్ తన త‌ర్వాతి సినిమా విష‌యంలో కొద్దిగా జాగ్ర‌త్త‌ప‌డుతున్న‌ట్లు క‌నిపిస్తోంది. నాని, నాగ్ ల కాంబోలో తెరకెక్కుతోన్న `దేవదాస్` గురించి నాగ్ రివీల్ చేసిన విష‌యాలే అందుకు నిద‌ర్శ‌నం. మామూలుగా అయితే, సినిమా రిలీజ్ వ‌ర‌కు జ‌స్ట్ స్టోరీ లైన్ మాత్ర‌మే రివీల్ చేసేందుకు చిత్ర యూనిట్ ఇష్ట‌ప‌డుతుంది. కానీ, `దేవ‌దాస్ `లో త‌మ క్యారెక్ట‌ర్లు ఎలా ఉండ‌బోతున్నాయి..అనే విష‌యంతోపాటు...దాదాపుగా పూర్తి క‌థ‌ను నాగ్ రివీల్ చేయ‌డం చ‌ర్చ‌నీయాంశ‌మైంది.

నాగ్ - నాని ల కాంబోలో రాబోతోన్న‌ది ఓ కామెడీ ఎంట‌ర్ టైన‌ర్ అని నాగ్ చెప్పిన విష‌యాల‌ను బ‌ట్టి అర్థ‌మ‌వుతోంది. ఈ సినిమాలో నాగ్...ఓ మాఫియా డాన్ అని...కానీ, పర్స‌న‌ల్ లైఫ్ లో చాలా రొమాంటిక్ తెలుస్తోంది. ఆ డాన్ ఫ్రెండ్ అయిన నాని ఓ డాక్ట‌ర్ అని....త‌ప్పనిస‌రి ప‌రిస్థితుల్లో ఆ డాన్ గ్యాంగ్ కు స‌పోర్ట్ చేసే రోల్ ను నాని పోషిస్తున్నాడ‌ని రివీల్ అయింది. దీంతో, ఈ చిత్ర టీజ‌ర్ - ట్రైల‌ర్ విడుద‌ల కాకుండానే....దాదాపుగా స్టోరీ అంతా రివీల్ అయింద‌ని టాక్ వ‌స్తోంది. అయితే, నాగ్ ఉద్దేశ్య‌పూర్వ‌కంగానే స్టోరీ రివీల్ చేసిన‌ట్లు తెలుస్తోంది. నాని - నాగ్ ల మ‌ల్టీ స్టార‌ర్ అన‌గానే ప్రేక్ష‌కులు భారీ అంచనాల‌తో థియేట‌ర్ల‌కు వ‌స్తార‌ని....అందుకే ఆ అంచనాల‌ను బ్యాలెన్స్ చేసేందుకు నాగ్ స్టోరీ రివీల్ చేసిన‌ట్లు తెలుస్తోంది. మ‌రి, నాగ్ కొత్త స్ట్రాట‌జీ వ‌ర్క‌వుట‌వుతుందో లేదో తెలియాలంటే కొంత‌కాలం వేచి చూడ‌క త‌ప్ప‌దు!