అవి పడిపోయినా మనస్సు పరిగెడుతోంది

కింగ్‌ నాగార్జున. ఈ మధ్యన అంతా ఎమోషనల్‌ టచ్‌ ఇచ్చే పాత్రలే చేస్తున్నారు. మనం తో ఇంప్రెస్‌ చేసి.. మీలో ఎవరు కోటీశ్వరుడు ప్రోగ్రామ్‌ తో మెచ్చుకోలు పొంది.. సోగ్గాడే చిన్ని నాయనా సినిమాతో మన పల్లెవెలుగులను మరోసారి ఆడియన్స్‌కు పరిచయం చేసి.. ఎంతో ఇంప్రెస్ చేసేశారు ఈ అక్కినేని హీరో. గత రాత్రి ''ఊపిరి'' ఆడియో రిలీజ్‌ సందర్భంగా మాట్లాడిన నాగ్‌.. చాలా మాంచి విషయాలే చెప్పారు.

అమలతో కలసి నాలుగేళ్ల క్రితమే ‘ఇన్ టచ్ బుల్స్’ సినిమా చూసిన నాగ్‌.. ఈ సినిమా తెలుగులో ఎవరైనా తీస్తే బాగుండు అనుకున్నారట. గట్టిగా కోరుకుంటే అదే జరుగుతుంది అన్నట్లు.. మూడేళ్ళ క్రితం దర్శకుడు వంశీ పైడిపల్లి ఆ సినిమా డివిడి ఇచ్చి చూడమన్నారట. అప్పుడే వెంటనే ఈ సినిమా చేద్దాం అని చెప్పారట నాగ్‌. ఈ సినిమాలోని రోల్‌ గురించి చెబుతూ.. '' నేను వీల్ చెయిర్లో కూర్చొనే రోల్ చేశానని ఎవరూ అనుకోవద్దు. సినిమాలో కాళ్ళు - చేతులు పడిపోయినా మనసు పరిగెత్తుతూనే ఉంటుంది. ఎంటర్ టైన్ మెంట్ - లవ్ - ఫ్రెండ్ షిప్ - ఎమోషన్స్ అన్నీ ఉన్నాయి. వంశీ అన్నీ చక్కగా చూపించాడు. మనిషికి ఒక తోడు కావాలి. ఆ తోడు ఎంత అవసరమో ఈ సినిమా ద్వారా తెలియజేస్తున్నాం'' అన్నారు కింగ్‌.

తన కో-స్టార్‌ అయిన కార్తీ గురించి చెబుతూ.. ''ఫెంటాస్టిక్ యాక్టర్. గుడ్ ఫ్రెండ్. ఈ సినిమాతో నాకొక ఫ్రెండ్ - తమ్ముడు దొరికాడు'' అంటూ.. ఈ సినిమా ఖచ్చితంగా పెద్ద హిట్‌ అవుతుందని చెప్పుకొచ్చారు నాగ్‌. పైగా తనకు శివ - అన్నమయ్య సినిమాలకు ఎంత పేరొచ్చిందో.. ఈ సినిమాక కూడా అంతే పేరొస్తుందని కితాబిచ్చారు కూడా.