కోటీశ్వరుడి చేతికే బిగ్ బాస్ ?

హింది రేంజ్ సక్సెస్ దక్కకపోయినా సౌత్ లో కూడా బిగ్ బాస్ షోకు మంచి ఆదరణే ఉంది. జూనియర్ ఎన్టీఆర్ ఫస్ట్ సీజన్ హోస్ట్ చేసినప్పుడు వచ్చిన రెస్పాన్స్ కి న్యాచురల్ స్టార్ నాని కూడా ముచ్చటపడి యాంకర్ గా మారాడు. అయితే స్పందన ఎలా ఉంది అనేది పక్కనపెడితే పార్టిసిపెంట్స్ వివాదాల వల్ల తన ప్రమేయం లేకుండానే సోషల్ మీడియా ట్రాలింగ్ కు గురి కావాల్సి వచ్చింది. అందుకే ఆ అనుభవంతోనే బిగ్ బాస్ 3 ఆఫర్ వచ్చినా నిర్మొహమాటంగా నో చెప్పేసి శుభ్రంగా సినిమాలు చేసుకుంటున్నాడు.

ఇక ఆర్ఆర్ఆర్ షూటింగ్ లో బిజీగా ఉన్న జూనియర్ ఎన్టీఆర్ కోసం స్టార్ మా గట్టిగానే ట్రై చేసింది కానీ తను సైతం ససేమిరా అన్నాడు. కొంతకాలం వెంకటేష్ పేరు వినిపించింది. అసలు ఫస్ట్ సిరీస్ నే నన్ను వచ్చి అడిగారు నాకు కొంచెం కూడా ఆసక్తి లేదని ఆయనే కుండ బద్దలు కొట్టడంతో వాటికీ పూర్తిగా చెక్ పడిపోయింది.

తాజా అప్ డేట్ ప్రకారం ఇప్పుడీ బాల్ కింగ్ నాగార్జున కోర్ట్ దగ్గరకి వచ్చి ఆగిపోయిందట. మీలో ఎవరు కోటీశ్వరుడిని నాగ్ నడిపించిన తీరు ఫ్యామిలీ ఆడియన్స్ ని బాగా దగ్గర చేసింది. ఆ పోలిక రావడం వల్లే చిరంజీవి హోస్ట్ చేసిన సిరీస్ కు ఆ స్థాయి స్పందన దక్కలేదు. ఆ రకంగా నాగ్ కు టీవీ వ్యూయర్స్ లో ప్రత్యేకమైన గౌరవం ఉంది.

అందుకే ఫైనల్ గా నాగ్ ని సంప్రదించగా మా ఛానల్ తో గతంలో కొనసాగిన ప్రగాఢమైన అనుబంధం దృష్ట్యా ఎస్ చెప్పినట్టు టాక్. ఇది మరికొద్ది రోజుల్లో అధికారికంగా వెల్లడి కావొచ్చు. జూన్ నుంచి ప్రారంభం కానున్న బిగ్ బాస్ 3 కోసం ఇప్పటికే ఏర్పాట్లు పూర్తయ్యాయని రెండు సీజన్స్ లో జరిగిన తప్పులను జాగ్రత్తగా విశ్లేషించి చాలా మార్పులు చేశారట