నాగేశ్వరరావు 'ధమాకా' షురూ చేశాడు

రవితేజ సినిమాల జోరు మామూలుగా లేదు. ఒకప్పుడు ఏడాదికి ఆరు ఏడు సినిమాలు చేసిన ఘనత రవితేజకు దక్కింది. అంతటి సినిమాలు చేసిన రవితేజ ఇప్పుడు మళ్లీ అదే స్పీడ్‌ ను జోష్‌ ను చూపిస్తున్నడు. ఇటీవలే రవితేజ 'ఖిలాడి' సినిమా తో ప్రేక్షకుల ముందుకు వచ్చాడు. ఆ సినిమా ఫలితం తో సంబంధం లేదు అన్నట్లుగా జోరుగా సినిమాల ను చేస్తూ వస్తున్నాడు. ఆయన చేస్తున్న సినిమాల జాబితా చాంతాడంత ఉంది అనడంలో సందేహం లేదు.

రామారావు ఆన్ డ్యూటీ సినిమా విడుదలకు సిద్దంగా ఉంది. ఇప్పటికే సినిమా విడుదల తేదీని కూడా ప్రకటించి సమ్మర్ కు విడుదల చేయాలని ప్లాన్ చేస్తున్నారు. ఇక మరో వైపు రాక్షసుడు అనే సినిమాను సుధీర్ వర్మ దర్శకత్వంలో రవితేజ చేస్తున్నాడు. రవితేజ ఇంకో సినిమా త్రినాధరావు నక్కిన దర్శకత్వంలో ధమాకాగా రూపొందుతుంది. ఇక అంతా ఆసక్తిగా ఎదురు చూస్తున్న టైగర్ నాగేశ్వరరావు సినిమాలో కూడా రవితేజ నటిస్తున్నాడు.

రామారావు ఆన్ డ్యూటీ సినిమా విడుదలకు సిద్దంగా ఉండగా మరో మూడు సినిమాలు సెట్స్ పై ఉన్నాయి. ఆ సినిమాల షూటింగ్ కూడా చాలా స్పీడ్ గా జరుగుతోంది. నిన్న మొన్నటి వరకు టైగర్ నాగేశ్వరరావు సినిమా నైట్‌ షెడ్యూల్‌ లో పాల్గొన్న రవితేజ ఇప్పుడు ధమాకా సినిమా షూటింగ్‌ లో జాయిన్ అయ్యాడు. ధమాకా తాజా షెడ్యూల్‌ లో టైగర్ నాగేశ్వరరావు జాయిన్ అయ్యాడు. దాదాపు రెండు వారాల పాటు టైగర్ నాగేశ్వరరావు షెడ్యూల్‌ సాగింది.

టైగర్ నాగేశ్వరరావు మూడ్‌ లో ఉన్న రవితేజ వెంటనే ధమాకా కొత్త షెడ్యూల్‌ కు షిప్ట్‌ అయ్యాడు. త్రినాధ రావు నక్కిన దర్శకత్వంలో ఫుల్ మాస్ మసాలా మూవీగా రూపొందుతున్న ధమాకా సినిమా షూటింగ్‌ ముగింపు దశకు వచ్చినట్లుగా సమాచారం అందుతోంది. తాజాగా ప్రారంభం అయిన షెడ్యూల్‌ పూర్తి అయితే ఇక సినిమా దాదాపుగా పూర్తి అయినట్లే అంటూ ఇండస్ట్రీ వర్గాల ద్వారా సమాచారం అందుతోంది.

ధమాకా సినిమాను ఇదే ఏడాదిలో విడుదల చేసేలా ప్లాన్ చేస్తున్నారు. ఇక టైగర్ నాగేశ్వరరావు మరియు రాక్షసుడు సినిమాల్లో ఏదో ఒకటి కూడా ఇదే ఏడాది విడుదల అయ్యే అవకాశాలు ఉన్నాయి. మొత్తానికి రవితేజ ఇక్కడ నుండి అక్కడికి.. అక్కడ నుండి ఇక్కడికి షిప్ట్‌ అవుతూ బ్రేక్‌ కూడా తీసుకోకుండా బ్యాక్ టు బ్యాక్‌ సినిమాలు చేస్తున్నాడు.

ఇన్ని సినిమాల్లో ప్రతి ఒక్క సినిమా పై కూడా అంచనాలు ఆకాశాన్ని తాకేలా ఉన్నాయి. అంచనాలు ఏమాత్రం మిస్ కాకుండా రవితేజ ఈ సినిమాలతో ప్రేక్షకుల ముందుకు వస్తాడని అంతా నమ్మకంగా ఉన్నారు. రవితేజ వచ్చే ఏడాది కాలంలో రాబోతున్న నాలుగు సినిమాలు కూడా నాలుగు విభిన్నమైన కాన్సెప్ట్‌ లు మరియు ఆయన విభిన్నమైన పాత్రల్లో కనిపించబోతున్నాడు.