సినిమా చూస్తే అమ్మాయిలు మారతారు

మంచు విష్ణు - రాజ్ తరుణ్ లు హీరోలుగా నటించి ఈడో రకం-ఆడో రకం రిలీజ్ కి రెడీ అయింది. ఈ నెల 14న ప్రేక్షకుల ముందుకు వస్తోంది ఈ మూవీ. ఇదో కన్ఫ్యూజ్ కామెడీ మూవీ అంటున్నాడు దర్శకుడు జి. నాగేశ్వరరెడ్డి. తమ పబ్బం గడుపుకోవడానికి ఏదైనా చేసే ఇద్దరు స్నేహితుల కారణంగా.. ఇతరులు ఎలా ఇబ్బందులు పడ్డారన్నదే ఈడో రకం-ఆడో రకం కథ అంటున్నాడీ దర్శకుడు.

అసలీ స్టోరీ అనుకున్నపుడు ఇద్దరు హీరోలు లేరని, విష్ణుతోనే సినిమా చేద్దామని అనుకున్నాడట. తర్వాత రాజ్ తరుణ్ కోసం స్టోరీలో కొన్ని మార్పులు చేసి, కథ సిద్ధం చేశామంటున్నాడు నాగేశ్వరరెడ్డి. విష్ణు - రాజ్ తరుణ్ ల కెమిస్ట్రీ ప్రేక్షకులను అలరిస్తుందని చెప్పాడు. ముఖ్యంగా విష్ణు ఫాదర్ రోల్ లో రాజేంద్రప్రసాద్ యాక్టింగ్ అందరినీ ఆకట్టుకుందని డైరెక్టర్ అంటున్నాడు.

సినిమా ద్వారా మంచి చెప్పాలని, అయితే వినోదం చూపిస్తూనే సందేశం అందించేందుకు ప్రయత్నించడం తన అలవాటన్న నాగేశ్వరరెడ్డి.. ఈడో రకం-ఆడో రకం చిత్రంతోనూ ఇలాంటి ఎటెంప్ట్ చేశాడట. పెళ్లి తర్వాత వేరే కాపురం పెట్టాలని ఆలోచించే అమ్మాయిలు.. ఈ సినిమా చూస్తే కొంతయినా మారతారు అంటున్నాడు.