స్టే ఫిట్ స్టే హిట్ జిమ్ లో ఆర్జీ‌వీ డిస్క‌వ‌రీ మెంట‌లే

ప్ర‌పంచ ఆరోగ్య దినోత్స‌వం నేడు. ఈ సంద‌ర్భంగా ప్ర‌ధాని న‌రేంద్ర మోదీ స‌హా ఎంద‌రో ప్ర‌ముఖులు ప్ర‌జారోగ్యం గురించి ప్ర‌స్థావించారు. మ‌హ‌మ్మారీని ఎదుర్కొని మ‌నుగ‌డ సాగించ‌డంపై ఎవ‌రికి వారు అభిప్రాయాల్ని పంచుకున్నారు.

ఇప్పుడు ఆర్జీవీ డిస్క‌వ‌రీ నైనా గంగూలీ కూడా త‌న అభిప్రాయం చెప్పారు. ఈ భామ జిమ్ లో సెగ‌లు పుట్టిస్తున్న ఫోటోని షేర్ చేసి ..`స్టే ఫిట్ స్టే హిట్` అంటూ చ‌క్క‌ని సందేశాన్ని ఇచ్చింది. వైట్ స్పోర్ట్ డ్రెస్ తో నైనా చెమ‌ట‌లు ప‌ట్టించింది. ఒక చేత్తో డంబెల్ ఎత్తుతూ మ‌రో చేతిని మోకాలిపై ఆన్చి అస‌లు నైనా చూస్తున్న చూపుల‌కు కుర్ర‌కారు గుండెల్లో జిల్ అనాల్సిందే. జిమ్ మాట దేవుడెరుగు.. కుర్రాళ్ల‌కు జ్వ‌రాలే! అంటూ ఈ ఫోటోకి ఘాటైన వ్యాఖ్య‌ల్ని జోడిస్తోంది యూత్.

నైనా ప్ర‌స్తుతం ఆర్జీవీ డీ కంపెనీలోనే వ‌రుస‌గా సినిమాల్లో న‌టిస్తోంది. కానీ అవ‌న్నీ ఎప్ప‌టికి రిలీజ‌వుతాయో త‌న‌కే క్లారిటీ లేదు. ఆర్జీవీ కాంపౌండ్ లోనే `బ్యూటిఫుల్` అనే సినిమాలో న‌టించిన‌ నైనా `డేంజరస్` అంటూ లెస్బియన్ కాన్సెప్ట్ ఉన్న‌ సినిమాతో వేడి పెంచ‌నుంది. `జోహార్‌` అనే వేరొక మూవీలోనూ నాయిక‌గా న‌టించిన ఈ బ్యూటీ వ‌రుస‌గా ట్రీటివ్వ‌నుందిట‌. ఆర్జీవీ డీ కంపెనీ.. నైనాకు కావాల్సినంత ప‌బ్లిసిటీ నిస్తోంది. ఇవ‌న్నీ వ‌రుస‌గా రిలీజ్ కావాల్సి ఉంది.