ఈ నక్షత్రం కథలు నమ్మట్లేదు బాసూ

సాధరణంగా ఒక సినిమా గురించి పబ్లిసిటీ చేయాలంటే.. సదరు సినిమా పిఆర్వోలు మీడియా అందరికీ ప్రెస్ నోట్లు పంపిస్తూ ఉంటారు. లేదా ఒక సినిమా గురించి ఏదైనా రాంగ్ న్యూస్ వచ్చిందనుకో.. క్లారిటీ నోట్స్ పంపిస్తారు. కాని ఇప్పుడు ఒక సినిమా గురించి ఎటువంటి న్యూస్ వచ్చినా కూడా.. వెంటనే ఆ సినిమా మేకర్లు నోట్స్ మీద నోట్స్ పంపేస్తున్నారు. అయితే ఈ నోట్స్ ఇంకా కన్ఫ్యూజన్ క్రియేట్ చేయడమే తప్పించి.. పెద్దగా ఉపయోగపడట్లేదు.

అదిగో ఆ సినిమా పేరు ''నక్షత్రం''. ఈ సినిమాను కృష్ణ వంశీ డైరక్షన్లో సందీప్ కిషన్.. రెజీనా హీరో హీరోయిన్లుగా.. సాయిధరమ్ తేజ్ అండ్ ప్రగ్యా జైస్వాల్ గెస్టు రోల్స్ లో రూపొందించారు. ఈ సినిమా మధ్యలోనే ఆగిపోయింది రిలీజ్ కాదంట అని గతంలో రూమర్లు రాగానే.. సినిమా వండర్ఫుల్ గా వచ్చిందంటూ ప్రెస్ నోట్ పంపేసి.. రిలీజ్ డేట్ కూడా చెప్పేశారు. కాని ఆ డేట్లన్నీ అయిపోయాయ్ కాని సినిమా బయటకు రాలేదు. ఇక సినిమా ఫస్ట్ లుక్స్ అంటూ అప్పట్లో హడావుడి చేసిన ఈ టీమ్ కూడా తరువాత సైలెంట్ అయిపోయింది. ఇప్పుడు మరోసారి అసలు ఈ సినిమా విడుదల్వదంటా అని న్యూస్ రాగానే.. అదిగో జూలైలో వచ్చేస్తోంది అంటూ మళ్ళీ మీడియాకు నోట్స్ పంపేశారు. కాని ఈ నక్షత్రం కథలను మీడియా నమ్మిన.. అవతల జనాలు మాత్రం నమ్మట్లేదు.

అసలింతకీ ఈ నక్షత్రం రిలీజ్ అవ్వడానికి ఎందుకింత టైమ్ పడుతోంది? సన్నిహితుల సమాచారం ప్రకారం.. అసలు కృష్ణవంశీ ఈ మద్యకాలంలో సరైన సినిమాలేవీ తీయకపోవడంతో.. సందీప్ కిషన్ చేస్తున్న సినిమాలన్నీ వరుసగా ఫ్లాపులే కావడం.. రెజీనాకు కూడా పెద్దగా మార్కెట్ లేకపోవడం.. వెరసి సినిమా బిజినెస్ కావట్లేదట. దానితో ఫైనాన్స్ తడసి మోపెడు అయ్యింది. అదంతా తీరిస్తేనే ఇప్పుడు విడుదల అవుతుందట. అది సంగతి.

Like Us on Facebook : https://www.facebook.com/Tupakidotcom/