అనిరుధ్ నుంచి న‌మ్మ ఇరుమ్మ DSP !

యూనివ‌ర్స‌ల్ స్టార్ క‌మ‌ల్ హాస‌న్ న‌టించిన `విక్ర‌మ్‌` మూవీలో డ్ర‌గ్ పెడ్ల‌ర్ సంతానంగా విల‌న్ పాత్ర‌లో న‌టించి ఆక‌ట్టుకున్న కోలీవుడ్ విల‌క్ష‌ణ న‌టుడు మ‌క్క‌ల్ సెల్వ‌న్ విజ‌య్ సేతుప‌తి ప్ర‌స్తుతం హీరోగా, విల‌న్ గా ప‌లు క్రేజీ సినిమాల్లో న‌టిస్తూ బ్యాక్ టు బ్యాక్ సినిమాల‌తో బిజీగా వున్నాడు. షారుఖ్ ఖాన్ న‌టిస్తున్న `జావాన్‌` మూవీలో బాలీవుడ్ కు ప‌రిచ‌యం కాబోతున్న విజ‌య్ సేతుప‌తి హీరోగా న‌టిస్తున్న లేటెస్ట్ మూవీ `డీఎస్పీ`. పొన్ రామ్ ద‌ర్శ‌కత్వం వ‌హిస్తున్నాడు.

అను క్రీతి వ్యాస్ ఇందులో హీరోయిన్ గా న‌టిస్తోంది. స్టోన్ బెంచ్ ఫిలింస్ స‌మ‌ర్ఫ‌ణ‌లో కార్తికేయ‌న్ సంతానం ఈ మూవీని నిర్మిస్తున్నాడు. యాక్ష‌న్ ఎంట‌ర్ టైన‌ర్ గా రూపొందుతున్న ఈ మూవీలో విజ‌య్ సేతుప‌తి పోలీస్ ఆఫీస‌ర్ పాత్ర‌లో క‌నిపించ‌బోతున్నాడు. డి. ఇమ్మాన్ సంగీతం అందిస్తున్న ఈ మూవీని డిసెంబ‌ర్ లో భారీ స్థాయిలో రిలీజ్ చేయాల‌ని ప్లాన్ చేస్తున్నారు. ఈ నేప‌థ్యంలో చిత్ర బృందం ప్ర‌మోష‌న్స్ ని మొద‌లు పెట్టింది.

బుధ‌వారం ఈ మూవీలోని ఫ‌స్ట్ సింగిల్ `న‌మ్మ ఇరుమ్మ..` అంటూ సాగే లిరిక‌ల్ వీడియోని త‌మిళ రాక్ స్టార్ .. సంగీత సంచ‌ల‌నం అనిరుధ్ సోష‌ల్ మీడియా ట్విట్ట‌ర్ వేదిక‌గా విడుద‌ల చేశాడు. పెళ్లి నేప‌థ్యంలో సాగే ఈ పాట‌కు డి. ఇమ్మాన్ సంగీతం అందించ‌గా, విజ‌య్ ముత్తు పాండి సాహిత్యాన్ని అందించాడు. ఉదిత్ నారాయ‌ణ్, సెంథిల్ గ‌ణేష్‌, మాళ‌విక సుంద‌ర్ ఆల‌పించారు. ఎం. ష‌రీష్ డ్యాన్స్ కంపోజ్ చేశారు.

కామెడీ మార్కు యాక్ష‌న్ ఎంట‌ర్ టైన‌ర్ గా రూపొందుతున్న ఈ మూవీకి సినిమాటోగ్ర‌ఫీ ఎస్‌. వెంక‌టేష్‌, ఎడిటింగ్ వివేక్ హ‌ర్ష‌న్‌. విజ‌య్ సేతుప‌తి తెలుగులో తెర‌కెక్కుతున్న `మైఖేల్‌` మూవీలో స్పెష‌ల్ క్యారెక్ట‌ర్ లో న‌టిస్తున్న విష‌యం తెలిసిందే. సందీప్ కిష‌న్ హీరోగా న‌టిస్తున్నాడు. రంజిత్ జ‌య‌కోడి ద‌ర్శ‌క‌త్వం వ‌హిస్తున్న ఈ మూవీ పాన్ ఇండియా వైడ్ గా ఐదు భాష‌ల్లో విడుద‌ల కానుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.