మహేష్ సినిమాలో నమ్రత గెస్ట్ రోల్?

సూపర్ స్టార్ మహేష్ బాబు భార్య నమ్రతా శిరోద్కర్ కూడా హీరోయిన్ అనే విషయం తెలిసిందే. అప్పట్లో వంశీ మూవీలో కట్టారు వీరిద్దరు. ఆ తర్వాత మహేష్-నమ్రత పెళ్లి జరిగాక.. ఎప్పుడూ తెరపై వీరిద్దరిని కలిసి చూసే అవకాశం ప్రేక్షకులకు రాలేదు.

సూపర్ స్టార్ వైఫ్ అసలు కెమేరా ముందు నటించినదే లేదు. మళ్లీ ఇన్నాళ్లకు నమ్రతను సినిమాల్లో చూసే అవకాశం అభిమానులకు రానుంది. అది కూడా మహేష్ సినిమాలోనే కావడం సంథింగ్ స్పెషల్ అనాల్సిందే. ఈ మూవీ హీరోయిన్ గా రకుల్ ప్రీత్ సింగ్ నటిస్తుండగా.. కొంతసేపు మాత్రమే ఉండే మరో హీరోయిన్ పాత్ర కూడా ఉంటుందట. దీనికి నమ్రత అయితే బాగుంటుందని దర్శకుడు మురుగదాస్ అడిగితే.. నమ్రత ఓకే అంటే తనకు అభ్యంతరం లేదని చెప్పాడట సూపర్ స్టార్. చివరకు ఆమె కూడా ఒప్పుకోవడంతో.. మళ్లీ మహేష్-నమ్రతలను ఆన్ స్క్రీన్ పై చూసే అవకాశం ఫ్యాన్స్ కి రానుంది.

మహేష్ తో నమ్రత నటిస్తోందనగానే ఫ్యాన్స్ లో ఎగ్డైట్ మెంట్ పెరిగిపోయింది. అయితే.. ఫుల్ ప్లెడ్జెడ్ రోల్ అయితే ఇంకా బాగుంటుందన్నది వారి ఒపీనియన్. ఇక దాదాపు వంద కోట్ల బడ్జెట్ తో తెరకెక్కనున్న ఈమూవీలో విలన్ గా దర్శకుడు ఎస్.జే. సూర్య కనిపించనున్నాడు.