దట్ ఈజ్ సూపర్ స్టార్ వైఫ్!

మహేష్ బాబు వైఫ్ నమ్రత సోషల్ మీడియాలో యాక్టివ్ గా ఉంటుందన్న విషయం తెలిసిందే. మహేష్ కు సంబంధించిన విషయాలతో పాటుగా పిల్లలు గౌతమ్.. సితారలకు సంబంధించిన ఇంట్రెస్టింగ్ అప్డేట్స్ తన ఇన్స్టా గ్రామ్.. ట్విట్టర్ ఖాతాల ద్వారా ఇస్తూ ఉంటుంది. ఇవేవీ కాకుండా తాజాగా ఈవ్ టీజింగ్ గురించి తీసిన ఒక మనసును హత్తుకునే షార్ట్ ఫిలింను తన ఇన్స్టాగ్రామ్ ఖాతా ద్వారా షేర్ చేసింది.

'షి' పేరుతో తెరకెక్కిన ఈ షార్ట్ ఫిలిం లో మన సమాజంలో మహిళలకు ఎదురయ్యే లైంగిక వేధింపుల గురించి చూపించారు. ఒక యువకుడు అమ్మాయి వేషంలో బయటకు వెళ్ళి తిరిగి ఇంటికి వచ్చే వరకూ ఏం జరుగుతుందని ఈ షార్ట్ ఫిలిం లో చూపించారు. మృగాళ్ళ ఆకలి చూపులు.. వీలు దొరికిన చోట ఆబగా నిమరడాలు.. నిర్మానుష్యంగా ఉన్న చోట అడ్డుకొని ఏడిపించడాలు..ఒక్కటేమిటి... దాదాపు మన సమాజంలో ఉన్న సవలక్ష దరిద్రాలను అతితక్కువ ఫ్రేమ్స్ లో చూపించారు మేకర్స్.

ఈ హార్ట్ ఫిలిం.. సారీ.. షార్ట్ ఫిలిం డైరెక్టర్ రంజీత కౌర్. ఈ షార్ట్ ఫిలిం నిర్మాణం.. విడుదల ఫిలింమేకర్స్ ఫర్హాన్ అఖ్తర్.. ఫిరోజ్ అబ్బాస్ ఖాన్.. పాపులేషన్ ఫౌండేషన్ ఇండియా వారు సంయుక్తంగా చేశారు. మూడు నిముషాల్లో ఇలా మనసును తడిమి.. జనాల్లో ఆలోచనను రేకెత్తించేలా చేయగలగడం గొప్ప విషయమే. మీరూ ఒకసారి నమ్రత షేర్ చేసిన వీడియో పై ఓ లుక్కేయండి.