నమ్రతా కెమెరాలో మహేష్ గెడ్డం

ప్రిన్స్ మహేష్ బాబు పర్సనల్ లైఫ్ కు సంబంధించిన ఎలాంటి అప్ డేట్స్ కావాలన్నా సోషల్ మీడియాలో భార్య నమ్రతా శిరోద్కర్ అకౌంట్ ను ఫాలో అయితే చాలు. ఎప్పటికప్పుడు మహేష్ తో పాటు పిల్లల ఫోటోలు కూడా ఎంచక్కా చూసుకోవచ్చు. భరత్ అనే నేను సూపర్ సక్సెస్ తర్వాత చాలా రిలాక్స్డ్ గా ఉన్న మహేష్ వంశీ పైడిపల్లి దర్శకత్వంలో చేయబోయే కొత్త సినిమా కోసం రెడీ అవుతున్నాడు. భరత్ విడుదలై 40 రోజులు దాటినా ఇంకా షూటింగ్ మొదలు పెట్టలేదనే అభిమానుల అనుమానాలు పటాపంచలు చేస్తూ మహేష్ కొత్త లుక్ లోకి మారిపోతున్నాడు. శ్రీమంతుడు మొదలుకుని భరత్ అనే నేను దాకా లుక్ విషయంలో మహేష్ ఏ చిన్న ప్రయోగం కూడా చేయలేదు. రెగ్యులర్ లుక్ నే కంటిన్యూ చేస్తూ వచ్చాడు. కానీ వంశీ పైడిపల్లి సబ్జెక్టు డిమాండ్ చేయటంతో రఫ్ గా కనిపించే గుబురు గెడ్డంతో పాటు పూర్తి మీసాలతో మహేష్ పాత్ర చాలా కొత్తగా ఉండబోతోందని తెలిసింది.

ప్రస్తుతం ఇదే పని మీదున్న మహేష్ బయటికి వస్తే రివీల్ అయిపోతుంది కాబట్టి ఫామిలీతో కలిసి సరదాగా హాలిడేస్ ని ఎంజాయ్ చేస్తున్నాడు. అందులో భాగంగా కూతురు సితారతో ఆడుకుంటున్నప్పుడు నమ్రతా క్లిక్ మనిపించింది ఫోటో సోషల్ మీడియాలో వైరల్ అవుతోంది. కానీ చాలా తెలివిగా మహేష్ ఫేస్ కనిపించకుండా చూచాయగా మహేష్ లుక్ మారుతున్న విషయాన్ని మాత్రం బ్యాక్ యాంగిల్ నుంచి బయట పెట్టింది. ఎంతైనా తను కూడా సినిమా మనిషే. ఏది ఎప్పుడు ఎలా రివీల్ చేయాలో బాగా తెలుసు. అల్లరి నరేష్ మరో కీలక పాత్రలో నటిస్తున్న ఈ మూవీకి సంగీతం దేవిశ్రీప్రసాద్. చాలా కాలం తర్వాత మహేష్ ఫుల్ లెంగ్త్ మాస్ రోల్ లో చూడబోతున్నట్టు టాక్. నిన్నటి నుంచి రాజసం అనే టైటిల్ లో ప్రచారంలోకి వచ్చింది కానీ యూనిట్ దాని గురించి స్పందించడం లేదు. బహుశా వర్కింగ్ టైటిల్ గా ఏమైనా అనుకున్నారేమో కానీ ఫిక్స్ అయినట్టు మాత్రం కాదు