ఫస్ట్ పాప్ కార్న్ అంటున్న సూపర్ స్టార్ వైఫ్

సూపర్ స్టార్ మహేష్ బాబు మల్టిప్లెక్స్ బిజినెస్ లోకి ఎంట్రీ ఇస్తున్నాడన్న సంగతి తెలిసిందే. సునీల్ నారంగ్ తో కలిసి ఎఎంబీ సినిమాస్ పేరుతో కొండాపూర్- గచ్చిబౌలి రోడ్ లో మొదటి మల్టిప్లెక్స్ నిర్మాణం జరుపుకుంది. ఈ మల్టిప్లెక్స్ ను డిసెంబర్ 2 న ప్రారంభిస్తున్నారు. ఇదిలా ఉంటే మహేష్ బాబు వైఫ్ నమ్రత ఈ ఎఎంబీ సినిమాస్ కు ప్రమోషన్స్ ప్రారంభించింది.

తన ఇన్స్టాగ్రామ్ ఖాతా ద్వారా ఒక ఫోటో పోస్ట్ చేసింది. అందులో స్నాక్స్ కౌంటర్.. ఒక పేపర్ కప్ నిండా పాప్ కార్న్ ఉంది. పేపర్ కప్ పైన కూడా ఎఎంబీ సినిమాస్ బ్రాండింగ్ ఉంది. ఈ ఫోటోను పోస్ట్ చేస్తూ నమ్రత ఇలా క్యాప్షన్ ఇచ్చింది. "ఎఎంబీ సినిమాస్ లో నా ఫస్ట్ పాప్ కార్న్. ఫుడ్ ట్రయల్స్ అయ్యాయి. టేస్టీ ఫుడ్. నాకు నచ్చింది. ఎఎంబీ టీం అందరికీ అల్ ది బెస్ట్." ఇక చాలామంది నెటిజనులు మహేష్ బాబు న్యూ వెంచర్ కు బెస్ట్ విషెస్ చెప్పారు.

మహేష్ బాబు ఇంకా ఎఎంబీ సినిమాస్ గురించి ఇంకా ప్రమోషన్ ప్రారంభించలేదు గానీ ఈ విషయంలో నమ్రత ఒక అడుగు ముందే ఉండడం విశేషం. ఎంతైనా సూపర్ స్టార్ వైఫ్ కదా.. ఆ మాత్రం స్పీడ్ లేకపోతే ఎలా?