మా ఇంటి పంట.. మస్తుగుందంట : నమ్రత వీడియో వైరల్

ప్రిన్స్ మహేష్‌ బాబు, ఆయన భార్య నమ్రత శిరోద్కర్‌ ఎప్పటికప్పుడు తమ కుటుంబ విశేషాలను సోషల్‌ మీడియాలో అభిమానులతో పంచుకుంటునే ఉంటారు. తమ ఇంట్లో ప్రత్యేక విషయం ఏది ఉన్నా.. సోషల్ మీడియాలో పోస్టు చేస్తారు. లాక్‌డౌన్‌లో కూతురు సితార, కొడుకు గౌతమ్‌లతో కలిసి సరదాగా ఆడుకుంటున్న ఫొటోలను షేర్ చేసిన విషయం తెలిసిందే. తాజాగా.. మరో వీడియోను ఇన్‌స్టాగ్రామ్‌లో పోస్టు చేశారు నమ్రత.

ఈ వీడియోలో హైదరాబాద్ లోని తమ ఫాంలో పండించిన కూరగాయలను చూపించారు. బేబీ టమాట, ఎర్ర మిరపకాయలు, పత్తి, బెండకాయ తోటలను చూపిస్తూ మురిసిపోయారు. ఈ వీడియోకు.. ‘పొలంలో పండిన వాటి కంటే తాజా కూరగాయలు ఇంకేముంటాయి. ఐ లవ్‌ ఇట్‌’ అనే క్యాప్షన్‌ను యాడ్ చేశారు నమ్రత. ప్రస్తుతం ఈ వీడియో నెటిజన్‌లను తెగ ఆకట్టుకుంటోంది. నమ్రత సంతోషం చూసి అభిమానులు కూడా ఆనందిస్తున్నారు. ‘చాలా బాగుంది మ్యామ్‌, సూపర్బ్’ అంటూ నెటిజన్లు కామెంట్లు పెడుతున్నారు.