స్పెష‌ల్: గౌత‌మ్ -సితార ప్లాష్ బ్యాక్ ప్రైడే!

సూప‌ర్ స్టార్ మ‌హేష్ స‌తీమ‌ణి న‌మ్ర‌తాశిరోద్క‌ర్ సోష‌ల్ మీడియాలో ఎంత యాక్టివ్ గా ఉంటారో చెప్పాల్సిన ప‌నిలేదు. మ‌హేష్ సినిమా విశేషాల‌తో పాటు ఫ్యామిలీ విష‌యాల్ని అభిమానుల‌కు షేర్ చేస్తుంటారు. ఇక వెకేష‌న్ కి బ‌య‌ట‌కి వెళితే ఇన్ స్టా అంతా స్పెష‌ల్ గ్లింప్స్ గా మారుతుంది. స్పాట్ నుంచి ఎక్స్ క్లూజివ్ ఫోటోల‌తో ఫ్యాన్స్ ని ఖుషీ చేస్తారు.

తాజాగా త‌మ వార‌సులు గౌత‌మ్- సితార ఓ ల‌గ్జ‌రీ హోట‌ల్ లో కెమెరాకి ఫోజులిచ్చారిలా. గౌత‌మ్ సితార బ్లూ జీన్స్ ధ‌రించారు. సితార చార‌ల టీష‌ర్ట్ ధ‌రించ‌గా...గౌత‌మ్ వైట్ క‌ల‌ర్ టీష‌ర్ట్ ఆపై వింట‌ర్ కోట్ ధ‌రించి క్యూట్ లుక్స్ తో క‌నిపించారు. స‌రిగ్గా ఈ ఫోటోని శుక్ర‌వారం నాడు తీసారు. దీనికి `ప్లాష్ బ్యాక్ ఫ్రైడే` అంటూ న‌మ్ర‌త క్యాప్ష‌న్ ఇచ్చారు. అంటే ఇది గ‌త శుక్ర‌వారం తీసిన ఫోటో అని అర్థ‌మ‌వుతోంది. ఈరోజు శుక్ర‌వారం కావ‌డంతో అప్ లోడ్ చేసి అలాంటి క్యాప్ష‌న్ ఇచ్చారు. ప్ర‌స్తుతం ఈ స్పెష‌ల్ ఫోటో ఇన్ స్టాలో వైర‌ల్ గా మారింది. అన్నాచెల్లెళ్ల‌ను ఇలా చూసి మ‌హేష్ అభిమానులు మురిసిపోతున్నారు. మ‌రి ఈ వార‌సుల‌ని వెండితెర‌పై ఎప్పుడు చూస్తామో. ఇప్ప‌టికే గౌత‌మ్ `వ‌న్` సినిమాతో చైల్డ్ ఆర్టిస్ట్ గా ఎంట్రీ ఇచ్చిన సంగ‌తి తెలిసిందే. సితార‌ని మాత్రం ఇంకా లాంచ్ చేయ‌లేదు. మ‌రి సినిమాల ప‌ట్ల అంత ఫ్యాష‌న్ ఉందా? లేదా? అన్న‌ది కొన్నాళ్లు ఆగితే గాని తెలియ‌దు.

మ‌హేష్ అయితే ఇష్ట‌మైన రంగం వైపే పంపిస్తాన‌ని..సినిమా కుటుంబంలో పుట్టామ‌ని సినిమాల్లో మాత్ర‌మే న‌టించాల‌ని ఎలాంటి కండీష‌న్లు ఉండ‌వ‌ని పిల్ల‌ల‌కి పూర్తి స్వేచ్ఛ ఉంటుంద‌ని ఓ ఇంట‌ర్వ్యూలో వెల్ల‌డించిన సంగతి తెలిసిందే. మ‌హేష్ ని న‌టుడిగా షైన్ చేయ‌డం వెనుక న‌మ్ర‌త పాత్ర కూడా ఎంతో కీల‌క‌మ‌ని చాలా కాలంగా వినిపిస్తోన్న మాట‌. ప్ర‌స్తుతం మ‌హేష్ `స‌ర్కారు వారి పాట‌`లో న‌టిస్తున్నారు. న‌మ్ర‌త జీఎంబీ ప్రొడ‌క్షన్స్..ఏఎంబీ మాల్ నిర్వ‌హ‌ణ‌ని చూసుకుంటున్న సంగ‌తి తెలిసిందే.