ఇన్ స్టాలో సూప‌ర్ స్టార్ రీల్ షేర్ చేసిన న‌మ్ర‌త‌!

ఇటీవలే సూపర్‌ స్టార్ కృష్ణ ప్రేక్షకులు.. అభిమానుల నుంచి భౌతికంగా దూరమైన విషయం తెలిసిందే. కృష్ణ మరణం పట్ల టాలీవుడ్‌తో పాటు యావత్‌ సినీ లోకం తీవ్ర దిగ్బ్రాంతి వ్యక్తం చేసింది. కాగా ఇవాళ ఘట్టమనేని కుటుంబసభ్యులు హైదరాబాద్‌లో కృష్ణ దశ దిన కార్యక్రమాన్ని ఏర్పాటు చేశారు. జేఆర్‌సీ కన్వెన్షన్ సెంటర్‌లో ఏర్పాటు చేసిన ఈ కార్యక్రమానికి అభిమానులు.. సినీ.. రాజకీయ ప్రముఖులు త‌ర‌లి వ‌చ్చారు.

తాజాగా కృష్ణకు ఆయన కోడలు నమ్రతా శిరోద్కర్ ఘనంగా నివాళులర్పించారు. కృష్ణ సినీ ప్రయాణం.. మైలురాళ్లు.. రికార్డులతో డిజైన్ చేసిన రీల్‌ను ఇన్‌స్టాగ్రామ్‌ ద్వారా షేర్ చేసారు. ప్ర‌స్తుతం ఈ వీడియో సోష‌ల్ మీడియాలో వైర‌ల్ గా మారింది. అభిమాను లు వీడియోను పెద్ద ఎత్తున వైర‌ల్ చేస్తున్నారు. ఆయ‌న జ్ఞాప‌కాలు ఎప్ప‌టికీ ప‌దిల‌మే. సినిమా రంగానికి ఆయ‌న చేసిన సేవ‌లు చిరస్మ‌ర‌ణీయం అంటూ కామెంట్లు పోస్ట్ చేస్తున్నారు.

హైదరాబాద్‌లో కృష్ణ జ్ఞాపకార్థం ఘట్టమనేని కుటుంబ సభ్యులంతా ఓ మెమోరియల్‌ను ఏర్పాటు చేసేందుకు రెడీ అవుతున్నారు. మెమోరియల్‌లో సూపర్ స్టార్ విగ్రహంతోపాటు ఆయన సినీ ప్రయాణానికి సంబంధించిన ఫొటోలు.. ఇతర విశేషాలు పంచుకుంటారు. ఈ మెమోరియల్‌ను పద్మాలయ స్టూడియోస్‌లో ఏర్పాటు చేయాల‌ని చూస్తున్నారు.

దానికి సంబంధించిన బాధ్య‌త‌లు మ‌హేష్ స్వ‌యంగా చూసుకుంటున్నార‌ని స‌మాచారం. నిన్న‌టి రోజున తండ్రి కీర్తిని గుర్తు చేసుకుంటూ ఓ భావోద్వేగ పూరిత పోస్ట్ పెట్టిన సంగ‌తి తెలిసిందే. న‌టుడిగా కృష్ణ వార‌స‌త్వాన్ని కొన‌సాగిస్తాన‌ని ఎమోష‌న‌ల్ అయ్యారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.