యంగ్ టైగర్ సెన్సేషనల్ రికార్డు

ఎన్టీఆర్ లాంటి మాస్ హీరో.. సుకుమార్ లాంటి సూపర్ క్లాస్ డైరెక్టర్.. ఇద్దరూ కలిస్తే ఇక రికార్డుల బద్దలవక ఏమవుతాయి మరి. వీళ్లిద్దరి కాంబినేషన్ లో వస్తున్న ‘నాన్నకు ప్రేమతో’ టీజర్ దసరా ముందు రోజు సాయంత్రం జనాల ముందుకొచ్చిన సంగతి తెలిసిందే. రావడం రావడమే సెన్సేషన్ క్రియేట్ చేసింది ఈ టీజర్.

యూట్యూబ్‌ లో సగం రోజుకే ఐదు లక్షల వ్యూస్ వచ్చాయి ఈ టీజర్‌ కి. పది లక్షల మార్కును కూడా కేలం 36 గంటల్లోనే అందుకుంది ‘నాన్నకు ప్రేమతో’ టీజర్. తెలుగు సినిమాల వరకు ఇది రికార్డు. ‘బాహుబలి’ తెలుగు - తమిళ వెర్షన్ లు కలిపితే ఇంతకంటే వేగంగానే మిలియన్ మార్కును అందుకుంది. ఐతే కేవలం తెలుగు వరకు చూస్తే ‘నాన్నకు ప్రేమతో’దే రికార్డు. ‘నాన్నకు ప్రేమతో’ టీజర్ యూట్యూబ్ లైక్‌ ల విషయంలోనూ రికార్డు సృష్టించింది. ఈ టీజర్‌కి 26 వేల లైకులు కూడా రావడం విశేషం. ‘సర్దార్ గబ్బ్ సింగ్’ పేరిట ఉన్న రికార్డును ‘నాన్నకు ప్రేమతో’ దాటేసింది.

‘టెంపర్’ సినిమా కోసం డిఫరెంట్ లుక్‌ కు మారిపోయి అభిమానులకు షాకిచ్చిన ఎన్టీఆర్.. ‘నాన్నకు ప్రేమతో’ సినిమాకు మరింత భిన్నంగా తయారయ్యాడు. ఫస్ట్ లుక్ పోస్టర్ దగ్గర్నుంచి నందమూరి అభిమానులతో పాటు సామాన్య ప్రేక్షకుల్లో కూడా ఆసక్తి రేపుతోంది ఈ మూవీ. మొన్న వచ్చిన టీజర్ సినిమా మీద మరింత క్యూరియాసిటీ పెంచింది. ఎన్టీఆర్ ఇంతకుముందెన్నడూ కనిపించని సూపర్ కూల్ లుక్‌ తో టీజర్ లో అదరగొట్టేశాడు. సుకుమార్ మార్కు స్పష్టంగా కనిపించిన ఈ టీజర్ లో దేవి మ్యూజిక్ మ్యూజిక్ కూడా హైలైట్‌ గా నిలిచింది. ఈ టీజర్‌తో సినిమా మీద అంచనాలు మరింత పెరిగిపోయాయి.