నందమూరి పాట... మెగా వారి ఆట!

ఇటు మెగా అభిమానులకు అటు నందమూరి ఫ్యాన్స్ కు నిజంగా ఈరోజు పండగనే చెప్పాలి. అల్లు అర్జున్ - త్రివిక్రం కాంబినేషన్ లో వచ్చిన భారీ బడ్జెట్ మూవీ సనాఫ్ సత్య మూర్తి ప్రపంచ వ్యాప్తంగా రికార్డు స్థాయి థియేటర్లలో ఈ రోజు విడుదలైంది. అంతేనా... టాక్ కూడా బాగానే వస్తుంది. దీంతో మెగా అభిమానులు పండగ చేసుకుంటున్నారు.
ఇదే సమయంలో నందమూరి అభిమానులు కూడా సంబరాలకు సిద్దమవుతున్నారు. బాలకృష్ణ హీరోగా సత్య దేవా దర్శకత్వంలో తెరకెక్కుతున్న సినిమా 'లయన్'. రాజకీయాలలోకి వచ్చిన తరువాత బాలయ్య చేసిన మెదటి సినిమా ఇదే కావడం, దీంతో పాటు బాలయ్య ఈ సినిమాలో సీబీఐ ఆఫీసర్ గా కొత్త పాత్ర చేయడంతో బాలయ్య ఫ్యాన్స్ భారీ అంచనాలే పెట్టుకున్న ఈ సినిమా ఆడియో వేడుక ఈరోజు హైదరాబాద్ శిల్పకళా వేదికలో జరగనుంది. ఈ కార్యక్రమానికి ఆంద్రప్రదేశ్ ముఖ్య మంత్రి నారా చంద్రబాబు నాయుడు ముఖ్య అతిధిగా హాజరుకానున్నారు. దీంతో నందమూరి అభిమానుల, తెలుగు తమ్ముళ్ల కేరింతలు రెట్టింపయ్యాయి! ఒకేరోజు ఇలా రెండు భారీ అభిమానులు సెలబ్రేషన్స్ తో నిండిపోవడం చాలా అరుదుగా జరుగుతుంటుంది!