స్టార్ బ్యూటీస్ ని ఆదుకుంటున్న నందమూరి హీరో

ఏ బాషా సినిమా పరిశ్రమ అయినా హీరోలకు ఉన్నంత స్పాన్ కాని కెరీర్ కాని హీరొయిన్లకు ఉండదన్న మాట వాస్తవం. ఎంత వెలుగు వెలిగినా ఓ పది పదిహేనేళ్ళు దాటాక వీళ్ళు క్యారెక్టర్ ఆర్టిస్ట్ గా మారిపోవడం ఖాయం. ఇది అందరూ చేసేదే. ఒక్క విజయశాంతి మాత్రం దీనికి మినహాయింపుగా నిలిచి హీరొయిన్ గానే రిటైర్ అయ్యారు. మొన్నటి దాకా స్టార్ స్టేటస్ అనుభవించి స్టార్లకు సైతం డేట్స్ ఇవ్వలేనంత బిజీ లైఫ్ ని ఎంజాయ్ చేసిన టాలీవుడ్ ముద్దుగుమ్మలు మెల్లగా తమ రూటు మారుస్తున్నారు.

కాజల్ ఖైది నెంబర్ 150లో చిరంజీవి సరసన ఓకే చెప్పినప్పుడే అందరూ ఆశ్చర్యపోయారు. తర్వాత కళ్యాణ్ రామ్ తో ఎమెల్యే అటుపై బెల్లంకొండ సాయి శ్రీనివాస్ తో సీత ఇలా ఎవరితోనైనా వీలైనన్ని ఎక్కువ సినిమాలు చేసే టార్గెట్ తో చేసుకుంటూ పోతోంది. కమల్ హాసన్ భారతీయుడు 2 ఒప్పుకోవడానికి కారణం చెప్పాలా

ఇక మిల్కీ బ్యూటీ తమన్నా సైతం ఇంతే. ఒకప్పుడు తెలుగు అగ్ర హీరోలందరి సరసన వరసబెట్టి ఛాన్సులు కొట్టేసిన ఈ భామ ఇప్పుడు కాజల్ తరహాలోనే కళ్యాణ్ రామ్ తో నా నువ్వే సందీప్ కిషన్ తో నెక్స్ట్ ఏంటిలతో పాటు వెంకటేష్ లాంటి సీనియర్ మోస్ట్ హీరోతో ఎఫ్2 చేసింది. ఇదంతా అవకాశాల కొరత ప్రభావమే తప్ప మరొకటి కాదు.

ఇప్పుడు రకుల్ ప్రీత్ సింగ్ కు సైతం ఈ తిప్పలు తప్పడం లేదు. నాగార్జునతో మన్మధుడు 2 ఓకే చెప్పిన ఈ బ్యూటీ తాజాగా కళ్యాణ్ రామ్ నటించబోయే తుగ్లక్ కు గ్రీన్ సిగ్నల్ ఇచ్చినట్టు ఫిలిం నగర్ టాక్. చూస్తుంటే కెరీర్ డల్ అవుతున్న స్టార్ బ్యూటీస్ కి నందమూరి హీరోనే బెస్ట్ ఆప్షన్ అవుతున్నాడు. కాకతాళీయంగా ఇతనితో నటించిన తర్వాత సదరు అమ్మళ్ళ కెరీర్లు వేగమందుకోవడం గమనార్హం