నందిని రెడ్డి ఇంతగా చెబుతుంది అంటే..!

తను తీసిన సినిమా గురించి ప్రతి ఒక్క ఫిల్మ్ మేకర్ గొప్పగా చెప్పడం అనేది చాలా సహజం. అయితే కొన్ని సార్లు వారు చెప్పింది ఒకటి చేసింది ఒకటి అవుతుంది. కొన్నిసార్లు డైరెక్టర్ చెప్పింది తక్కువే సినిమాలో చాలా విషయం ఉంది అన్నట్టుగా రిజల్ట్ వస్తుంది. లేటెస్ట్ గా అన్నీ మంచి శకునములే అంటూ ఒక మంచి సినిమాతో రాబోతుంది నందిని రెడ్డి. గురువారం రిలీజ్ అవబోతున్న ఈ సినిమాలో సంతోష్ శోభన్, మాళవిక నాయర్ లీడ్ రోల్స్ లో నటించారు. ఈ సినిమా గురించి నందిని రెడ్డి చాలా ప్రత్యేకంగా చెబుతుంది. సినిమా ప్రమోషన్స్ కూడా భారీగా చేస్తున్నారు.

తన ఇన్ని సినిమాల్లో తను రాసిన బెస్ట్ క్లైమాక్స్ ఇది అని అన్నారు నందిని రెడ్డి. సినిమా చివర్ 20 నిమిషాలు ప్రేక్షకులను కట్టి పడేస్తుందని.. తప్పకుండా ప్రేక్షకులను అలరించేలా సినిమా ఉంటుందని అన్నారు. సంతోష్ శోభన్, మాళవిక ఇద్దరు అద్భుతంగా నటించారు. తను రాసుకున్న కథను వారిద్దరు నెక్స్ట్ లెవెల్ లో ఉంచారని అన్నారు నందిని రెడ్డి. ఈ సినిమా క్లైమాక్స్ గురించి ప్రత్యేకంగా చెప్పుకొచ్చారు నందిని రెడ్డి.

ఇక ఈ సినిమా స్టార్ హీరోకి చెబితే కాదన్నారని. సినిమాలో ఫైట్స్ పెడితే కానీ సినిమా చేయనన్నారన్న వార్తలపై కూడా స్పందించారు నందిని రెడ్డి. తను ఈ కథను ఏ స్టార్ హీరోకి చెప్పలేదని. అవన్ని రూమర్స్ అని కొట్టిపారేశారు. ఓ బేబీ సినిమా తర్వాత చాలా గ్యాప్ తీసుకుని చేసిన సినిమా అన్నీ మంచి శకునములే. వైజయంతి మూవీస్, స్వప్న సినిమాస్ నిర్మించిన ఈ సినిమాపై బజ్ బాగానే ఉంది.

యువ హీరో సంతోష్ శోభన్ కొన్నాళ్లుగా హిట్ కోసం సతమతమవుతున్నాడు. వరుస సినిమాలు చేస్తున్నా అతనికి హిట్ మాత్రం దక్కలేదు. అన్నీ మంచి శకునములే సినిమాతో అతనికి మంచి టైం స్టార్ట్ అవుతుందేమో చూడాలి. పెద్దగా పోటీ ఏమి లేదు కాబట్టి సినిమాకు మంచి టాక్ వస్తే మాత్రం హిట్ కొట్టినట్టే లెక్క.