డబ్బింగ్ చెబ్తానంటే వద్దంటున్నారట

నారా రోహిత్ నటిస్తున్న సావిత్రి మరికొన్ని రోజుల్లోనే, అంట ఏప్రిల్ 1న ప్రేక్షకుల ముందుకు రానుంది. పవన్ సాదినేని దర్శకత్వంలో రూపొందిన ఈ చిత్రంలో హీరోయిన్ నందిత తొలిసారిగా టైటిల్ రోల్ లో నటిస్తోంది. ఈ మూవీతో తనకు ఆఫర్ వచ్చినపుడు.. ఇది లేడీ ఓరియెంటెడ్ మూవీ అని భావించించదట నందిత. అయితే పూర్తి స్క్రిప్ట్ విన్న తరువాత ఫ్యామిలీ ఎంటర్టెయినర్ అని అర్ధం కావడంతో.. వెంటనే అంగీకరించానని చెబుతోంది.

సంప్రదాయం ప్రకారం పెళ్లి చేసుకుందామని భావించే ఓ సాధారణ అమ్మాయి పాత్రలో నందిత నటిస్తుండగా.. ఎవరూ ఊహించని ట్విస్ట్ ఒకటి ఈ కేరక్టర్ వెనుక ఉంటుందట. దాన్ని హీరో నారా రోహిత్ వచ్చి ఎలా సాల్వ్ చేశాడన్నదే సావిత్రి మూవీ అని చెబ్తోందీ హీరోయిన్. ప్రస్తుతం తనకు తెలుగు బాగానే వచ్చని, తన పాత్రకు తనే డబ్బింగ్ చెప్పాలనే ఆసక్తి ఉన్నా.. మేకర్స్ మాత్రం వేరే వారితో డబ్బింగ్ చెప్పించేందుకే ప్రిఫర్ చేస్తుండడంతో.. తనకు ఆ ఛాన్స్ రావడంలేదని వాపోయింది ఈ భామ. సాధారణంగా తాను టెన్షన్ తో ఉంటానని.. కానీ డైరెక్టర్ సాదినేని తన టెన్షన్ మొత్తం పోగొట్టి.. చాలా ఈజ్ తో ఈ కేరక్టర్ చేయించాడని అంటోంది సావిత్రి భామ. అందుకే ఈ మూవీలో తన పెర్ఫామెన్స్ అందరినీ ఆకట్టుకునేలా ఉంటుందని నమ్మకంగా ఉంది.

అయితే.. హీరో నారా రోహిత్ మాత్రం అంతగా అటాచ్ మెంట్ ఏర్పడలేదట. దీనికి కారణం.. తను చాలా రిజర్వడ్ గా ఉండే వ్యక్తి అని, ఎంతసేపూ తన సినిమాలు తప్ప వేరే వాటి గురించి ఆలోచించే మెంటాలని కాదని నందిత అంటోంది. ఎక్కువ సంఖ్యలో సినిమాలు చేయలేకపోవడం కొంత అసంతృప్తిని కలిగిస్తున్నా.. త్వరలో పెద్ద బ్యానర్స్ లో నటించే అవకాశాలున్నాయన్న నందిత... ఇప్పటికైతే తాను ఏ ఒక్క సినిమాకి సినిమాకి సైన్ చేయలేదని ఓపెన్ గానే ఒప్పేసుకుంది.