నానితో మళ్లీ జెండా ఎత్తిస్తాడట

జెండాపై కపిరాజు అంటూ రెండేళ్ల క్రితం ఓ మూవీ చేశాడు యంగ్ హీరో నాని. కోలీవుడ్ లో ట్యాలెంటెడ్ డైరెక్టర్ గా గుర్తింపు పొందిన సముద్ర ఖని.. ఈ చిత్రానికి దర్శకుడు. షూటింగ్ పలు మార్లు ఆలస్యమవుతూ ఎట్టకేలకు విడుదలైన ఈ సినిమా ఫెయిల్ కావడానికి పలు కారణాలున్నాయి.

శంభో శివ శంభో వంటి పలు మంచి సినిమాలను సముద్ర ఖని అందించగా.. నాని మరో చిత్రం ఎవడే సుబ్రమణ్యం రిలీజ్ రోజునే జెండాపై కపిరాజును విడుదల చేయాల్సి వచ్చింది. ఎవడే సుబ్రమణ్యం సక్సెస్ కాగా.. కపిరాజు తేలిపోయాడు. ఇప్పుడీ దర్శకుడు మరోసారి న్యాచురల్ స్టార్ తో జత కట్టాలని భావిస్తున్నాడట. ప్రస్తుతం తెలుగు-తమిళ్ బైలింగ్యుల్ మూవీని తీసేందుకు రెడీ అవుతున్న ఈ దర్శకుడు.. తన డైరెక్షన్ లో గతంలో ఎక్కువ సినిమాలు చేసిన శశికుమార్ ను తమిళ్ వెర్షన్ లో హీరోగా నటింపచేస్తుండగా.. ఆరేళ్ల తర్వాత మళ్లీ వీరిద్దరూ కలిసి ఓ ప్రాజెక్టు చేయనున్నారు. తెలుగులో ఈ పాత్రను నానితో చేయించాలని చూస్తున్నట్లు తెలుస్తోంది.

ప్రస్తుతం నాని ఉన్న స్పీడ్ ప్రకారం తనకు పెద్ద ఫ్లాప్ ఇచ్చిన దర్శకుడు సముద్ర ఖనితో చేస్తాడా లేదా అనే విషయం ఇండస్ట్రీ మల్లగుల్లాలు పడుతోంది. అయితే.. ప్రతిభకు.. స్క్రిప్ట్ కు ప్రాధాన్యత ఇచ్చే న్యాచురల్ స్టార్.. సబ్జెక్ట్ నచ్చితే మాత్రం ఎవరికైనా ఓకే చెప్పేసే అవకాశాలున్నాయని అంటున్నారు.

Like Us on Facebook : https://www.facebook.com/Tupakidotcom/