దసరా జోడి.. డెడికేషన్ అంటే ఇలా ఉండాలి!

నేచురల్ స్టార్ నాని ఎలాంటి పాత్ర చేసిన కూడా అందులో తనకంటూ ఒక ప్రత్యేకమైన మార్క్ ఉండే విధంగా జాగ్రత్త పడుతూ ఉంటాడు. అలాగే కీర్తి సురేష్ కూడా చేసిన ప్రతి సినిమా కూడా డిఫరెంట్ గా ఉండే విధంగా ఉండాలి అని ఆలోచిస్తూ ఉంటుంది. వీరి కెరీర్ లో ఎన్నో ప్రయోగాత్మకమైన సినిమాలో ఉన్నాయి.
ఇక వీరిద్దరి కెరీర్లు మరో రేంజ్ కు తీసుకువెళ్లే సినిమా దసరా కానుంది అని ఇదివరకే విడుదలైనా పోస్టర్స్ ద్వారా ఒక క్లారిటీ వచ్చేసింది.

ఈ సినిమాలో నాని కీర్తి సురేష్ ఇద్దరు కూడా వారి రెగ్యులర్ కమర్షియల్ ఫార్మాట్ను పక్కనపెట్టి సరికొత్త గెటప్పుల్లో కనిపించబోతున్నారు. పూర్తిస్థాయిలో గ్లామర్ ను పక్కనపెట్టి గుడిసెలో ఉండే సింగరేణి కార్మికుల తరహాలో సర్ ప్రైజ్ చేయబోతున్నారు. సుకుమార్ శిష్యుడు శ్రీకాంత్ దర్శకత్వంలో తెరపైకి వస్తున్న ఈ సినిమాలో నాని అలాగే కీర్తి సురేష్ డి గ్లామర్ పాత్రల్లో మెప్పించబోతున్నారు.

అయితే ఇటీవల ఆ సినిమాకు సంబంధించిన షూటింగ్ పనులు మొత్తం కూడా పూర్తి కావడంతో నాని మరో లుక్ లోకి వచ్చేసాడు. అలాగే కీర్తి సురేష్ కూడా మరొక లుక్ లోకి మారిపోయిన విధానం ఇప్పుడు వైరల్ గా మారుతుంది. ఇద్దరు కూడా దసరా సినిమా సెట్ లో వారి పాత్రలతో దిగిన సెల్ఫీ తో పాటు లేటెస్ట్ గా సరికొత్త లుక్స్ తో దిగిన మరొక సెల్ఫీ ఫోటో కూడా సోషల్ మీడియాలో షేర్ చేసుకున్నారు.

ఇక రెండు ఫోటోలను గమనిస్తే యాక్టింగ్ విషయంలో ఎంతగా మనసుపెట్టి నటిస్తున్నారో అర్థం చేసుకోవచ్చు. ఇక నాని అయితే తన 30వ సినిమా కోసం ఇప్పుడు పూర్తిగా గెడ్డం మీసాలు తీసేసి వయసు చాలా వరకు తగ్గించేసాడు. ఇక కీర్తి సురేష్ అయితే ప్రస్తుతం భోళా శంకర్ సినిమాతో పాటు రెండు తమిళ సినిమాలు కూడా చేస్తోంది.

అలాగే త్వరలోనే మరొక తెలుగు యువ హీరోతో కూడా ఆమె జతకట్టే అవకాశం ఉన్నట్లుగా తెలుస్తోంది. ఇక దసరా సినిమాపై అయితే అంచనాలు గట్టిగానే ఉన్నాయి. దాదాపు 70 కోట్ల భారీ బడ్జెట్ తో రూపొందిస్తున్న ఈ సినిమాను ఈ ఏడాది మార్చిలో ప్రేక్షకుల ముందుకు తీసుకురాబోతున్నారు.