ఐదు కోట్ల విల్లా కొనుక్కున్న నాని

మన తెలుగు హీరోలందరూ ఒక విషయంలో మాత్రం మాంచి నిష్ణాతులే. అదేంటంటే.. మనోళ్ళు కాస్త డబ్బులు కనిపిస్తే చాలు.. జల్సాలూ వినోదాలూ చేయకుండా.. ముందు చక్కగా సెటిల్ అయిపోతుంటారు. ఇప్పుడు యంగ్ హీరో నాని కూడా.. తన సీనియర్లు వేసిన బాటలోనే చక్కగా పయనిస్తున్నాడని తెలుస్తోంది. ఎలాగైతే పెద్ద హీరోలందరూ ముందు పెద్ద పెద్ద బంగ్లాలు కొనేసుకున్నారో.. నాని కూడా అదే పని చేశాడు.

హైదరాబాద్ కు సాఫ్టువేర్ రాజ్యమైన గచ్చిబౌలి ఏరియాలో.. ఇప్పుడు ఏకంగా 5 కోట్ల రూపాయలు వెచ్చించి హీరో నాని ఒక విల్లాను కొనుక్కున్నాడట. ఒక ప్రముఖ రియల్ ఎస్టేట్ కంపెనీ వారు క్రియేట్ చేసిన ఒక లగ్జరీ వెంచర్ లో భాగమైన ఈ విల్లాను.. నాని ఆల్రెడీ రిజిస్టర్ కూడా చేయించుకున్నాడని టాక్. ఈ మధ్యకాలంలో వరుసగా హిట్లు కొట్టేస్తే.. బాగానే రెండు చేతులా సంపాదిస్తున్న నాని.. ఇప్పుడు కొడుకు పుట్టిన ఆనందంలో.. తన కొత్త కుటుంబ సభ్యుడితో కలసి ఈ కొత్త ఇంట్లోకి వెళదాం అని ప్లాన్ చేస్తున్నాడు.

ఇకపోతే ఈ మధ్యనే హీరో రాజ్ తరుణ్‌ కూడా 2 కోట్లతో ఒక విల్లా కొన్నాడట. ఒకే ప్రొడ్యూసర్ లో మూడు సినిమాల డీల్ కుదుర్చుకుని ఇలా విల్లా కొన్నాడని టాక్. అదే విధంగా మరో కుర్ర హీరో విజయ్ దేవరకొండ కూడా వరుస సినిమాలను సైన్ చేసి బంజారా హిల్స్ లో ఒక సొంతిల్లు కొనుక్కున్నాడట.

Like Us on Facebook : https://www.facebook.com/Tupakidotcom/