తమిళ డబ్బింగ్ లో నాని క్యామియో

తమిళ్ లో మంచి పేరున్నా తెలుగులో అంతగా పరిచయం లేని హీరో జయం రవి సినిమా ఒకటి పౌరుడు పేరుతో డబ్బింగ్ రూపంలో తెలుగులో విడుదల కానుంది. ఇందులో నానిది చిన్న క్యామియో ఉంది . అరె ఇది ఎప్పుడు తీశారు అని ఆశ్చర్యపోకండి. దీని వెనుక చిన్న కథ ఉంది. 2015లో నాని డ్యూయల్ రోల్ చేసిన జెండాపై కపిరాజు విడుదలైంది. అదే రోజు వచ్చిన నాని మరో సినిమా ఎవడే సుబ్రహ్మణ్యంతో పోటీ పడలేక యావరేజ్ గా మిగిలింది. సముద్ర ఖని దర్శకుడు. దీని తమిళ్ వెర్షన్ హీరోనే జయం రవి. అది కూడా ఆ టైంలోనే రిలీజ్ చేసారు. ఒకే కథతో తీస్తున్న మూవీ కావడంతో దర్శకుడి కోరిక మేరకు నాని అందులో చిన్న క్యామియో ఒకటి చేసాడు. నిమ్మిదు నిల్ పేరుతో విడుదలైన ఆ సినిమానే తెలుగులో ఇప్పుడు పౌరుడు పేరుతో విడుదల చేస్తున్నారు.

ట్రైలర్ కూడా ఈపాటికే విడుదల అయ్యింది. అమలా పాల్ హీరోయిన్ గా నటించిన ఈ మూవీ తమిళ్ లో ఇదే ఫలితం అందుకుంది. కాకపోతే ఇప్పుడు సోషల్ మెసేజ్ ఉన్న మూవీస్ కి మార్కెట్ బాగున్న కారణంగా నిర్మాతలు దీన్ని తెలుగులో వదులుతున్నారు. నాని క్యామియో అని హై లైట్ చేయడానికి కారణం కూడా అదే. సీనియర్ హీరో శరత్ కుమార్ మరో కీలక పాత్ర పోషించిన ఈ మూవీలో జయం రవి ఒకటి క్లాస్ ఒకటి ఊర మాస్ పాత్రల్లో కనిపిస్తాడు. మరి తెలుగు లో వర్క్ అవుట్ కానీ సినిమా వేరే హీరోతో మరోసారి వచ్చి అలరిస్తుందా అంటే విడుదల అయ్యేదాకా వేచి చూడాలి. పౌరుడు పేరుతొ గతంలో సుమంత్ హీరోగా ఒక సినిమా వచ్చింది.