సినిమా స్టార్ అయ్యాక ఆ హీరో క్యారెక్టర్ పెంచారట

సుధీర్ బాబుతో కలిసి ఇంద్రగంటి మోహన్ కృష్ణ డైరెక్షన్ లో నాని 'V' సినిమా చేస్తున్న విషయం తెలిసిందే. అయితే సినిమా ప్రారంభం అవ్వకముందు కథలో నానిది చాలా చిన్న రోల్. దాదాపు కథలో నాని కనిపించేది పది నుండి ఇరవై నిమిషాలు మాత్రమే. ఈ విషయాన్ని ఆ మధ్య నాని స్వయంగా ఇంటర్వ్యూ లో చెప్పుకున్నాడు.

అయితే నానికి 'V' 25వ సినిమా కావడంతో మెల్లమెల్లగా కథ మారిందట. సినిమాలో నాని రోల్ పెంచి కథలో మార్పులు జరిగాయని సమాచారం. కానీ ఇందులో నేచురల్ స్టార్ కనిపించేది నెగిటీవ్ రోల్ లో. అది మాత్రం పక్కా కానీ నాని ఎలా కనిపిస్తాడు..? సుధీర్ బాబు క్యారెక్టర్ కి అతనికి సంబంధం ఏమిటి అనేది చాలా ఆసక్తిగా ఉంటుందని అంటున్నారు.

దిల్ రాజు నిర్మిస్తున్న ఈ సినిమాలో అదితి రావు హైదరి, వచ్చే ఏడాది మార్చ్ 25న విడుదల కానుంది. న్యూ ఇయర్ లేదా సంక్రాంతికి ఫస్ట్ లుక్ అనుకుంటున్నారు. అక్కడి నుండి ప్రమోషన్స్ మొదలవుతాయి.