పేరే పాత‌ది కానీ.. మూవీ మాత్రం ఫ్రెష్ అట‌!

కొన్నిసార్లు అంతే. అనుకోకుండా అంత‌కు ముందు సూప‌ర్ డూప‌ర్ హిట్ అయిన మూవీ పేర్ల‌ను కొన్ని సినిమాల‌కు పెట్టేసుకుంటారు. దీంతో లాభం ఏమంటే.. స‌ద‌రు సినిమా మీద అంద‌రి క‌ళ్లు ప‌డ‌తాయి. న‌ష్టం ఏమంటే.. ఈ సినిమా మీద స‌ద‌రు పాత సినిమా ప్ర‌భావం ఉంటుంది. ఇలా ప్ల‌స్.. మైన‌స్ లు ఉన్న‌ప్ప‌టికీ.. టైటిల్ త‌ప్ప‌నిస‌రిగా సూట్ అయ్యే వేళ‌.. త‌మ సినిమాల‌కు పాత సినిమా పేర్ల‌ను మ‌ళ్లీ రిపీట్ చేయ‌టం ఈ మ‌ధ్య‌న ఎక్కువ అవుతోంది.

జెర్సీతో స్ట‌న్నింగ్ స‌క్సెస్ సొంతం చేసుకోవ‌ట‌మే కాదు.. న‌టుడిగా విమ‌ర్శ‌కుల ప్ర‌శంస‌ల్నిఅందుకున్నారు నాని. ఆయ‌న లోని న‌టుడ్ని మ‌రో స్థాయికి తీసుకెళ్లిన చిత్రంగా జెర్సీ మిగిలిపోతుంది. ఈ చిత్ర స‌క్సెస్ త‌ర్వాత నాని మీద అంచ‌నాలు మ‌రింత పెర‌గ‌ట‌మే కాదు..ఆయ‌న‌కు సరికొత్త ఇమేజ్ ను తెచ్చిపెట్టింది. ఆయ‌న తాజాగా చేస్తున్న గ్యాంగ్ లీడ‌ర్ చిత్రం మీద ఆస‌క్తిక‌ర స‌మాచారం బ‌య‌ట‌కు వ‌చ్చింది.

మెగాస్టార్ చిరంజీవి న‌టించిన గ్యాంగ్ లీడ‌ర్ చిత్రం ఎంత స‌క్సెస్ అయ్యిందో తెలిసిందే. చిరు కెరీర్ లో సూప‌ర్ హిట్ చిత్రాల్లో గ్యాంగ్ లీడ‌ర్ ఒక‌టి. అయితే.. పేరు మాఫియా నేప‌థ్యం ఉన్న‌ట్లు ఉన్నా.. సినిమా క‌థలో మాత్రం ఆ ఛాయ‌లు క‌నిపించ‌వ‌ని చెబుతున్నారు.

ఫ్యామిలీ ఎంట‌ర్ టైన‌ర్ గా త‌మ చిత్రం ఉంటుంద‌ని నాని చెబుతున్నారు. ఇప్ప‌టివ‌ర‌కూ ఏ తెలుగు సినిమాలో చూడ‌ని పాయింట్ లో ఈ చిత్రం ఉంటుద‌ని చెబుతున్నారు నాని. పేరు మాత్ర‌మే పాత‌ది కానీ సినిమా మాత్ర ఫుల్ ఫ్రెష్ అన్న‌ట్లుగా ఉన్న నాని మాట‌ల్లో నిజం ఎంత‌న్న‌ది తేలాలంటే మూవీ రిలీజ్ వ‌ర‌కూ వెయిట్ చేయ‌క త‌ప్ప‌దు.