నాని ఫుల్ హ్యాపీ నో వర్రీ

న్యాచురల్ స్టార్ నాని బిగ్ బాస్ 2కి హోస్ట్ గా ఎంపిక చేసినప్పుడు చాలా అనుమానాలు వ్యక్తమయ్యాయి కానీ వాటిని పటాపంచలు చేస్తూ తనవరకు ఏ లోపం లేకుండా చక్కగా నిర్వర్తిస్తున్నాడు. నిజానికి నాని ఉన్న వీక్ ఎండ్ ఎపిసోడ్స్ కే రేటింగ్స్ భారీగా వస్తున్నాయి. సినిమా అంటే ఓ రెండు లేదా మహా అంటే మూడు గంటల వ్యవహారం. దాని సక్సెస్ శాశ్వతమైన ప్రభావం చూపిస్తుందేమో కానీ పరాజయం తాత్కాలికం. అందరు త్వరగా మర్చిపోతారు. కానీ బిగ్ బాస్ షోలు అలాంటివి కాదు. వంద గంటలకు పైగా అటు పార్టిసిపెంట్స్ ఎమోషన్స్ ని ఇటు ప్రేక్షకుల ఎక్స్ పెక్టేషన్స్ ని బాలన్స్ చేస్తూ యాంకర్ గా చాలా క్లిష్టమైన బాధత్యను మోయాల్సి ఉంటుంది. ఏ చిన్న తేడా వచ్చినా సోషల్ మీడియా మహా యాక్టివ్ గా ఉన్న ఇప్పటి ట్రెండ్ లో ట్రాలింగ్ పేరుతో మాటలతోనే ప్రాణాలు తోడేస్తారు. ఒక్క పాట బాగా పాడలేదు అన్న కారణంగా విజయ్ దేవరకొండ లాంటి క్రేజీ హీరోను వదలకుండా ఆడేసుకున్నారు. ఇక రోజుకో గంటన్నర వచ్చే బిగ్ బాస్ ను వదులుతారా. నానిని సైతం వీటి బారిన పడ్డాడు.

నిన్న జరిగిన వీక్ ఎండ్ ఎపిసోడ్ లో హౌస్ లో అడుగు పెట్టిన సందర్భంగా నాని దీని గురించి ప్రస్తావించాడు. నాలుగు నెలల క్రితం ఈ షో ఒప్పుకోవాల్సి వచ్చినప్పుడు ఇందులో ఉన్న రిస్క్ గురించి కూడా ఆలోచించానని కొంత భయం కూడా వేసిందని కానీ ఛాలెంజ్ గా తీసుకుని ఇది పూర్తి చేస్తున్నానని చెప్పుకొచ్చాడు. ఇది ఒప్పుకున్నందుకు చాలా నేర్చుకున్నానని చెప్పిన నాని మొత్తానికి షో చేయటం పట్ల హ్యాపీగా ఉన్నట్టు కనిపించాడు. నాగార్జునతో మొదటిసారి చేసిన దేవదాస్ సెప్టెంబర్ 27 విడుదలకు రెడీ అవుతోంది. ఇది అవ్వగానే క్రికెట్ బ్యాక్ డ్రాప్ లో రూపొందుతున్న జెర్సీ కోసం రెడీ అవుతాడు నాని. బిగ్ బాస్ 2 క్లైమాక్స్ కు దగ్గరవుతోంది. మూడో సీజన్ కూడా ఉంటుంది అనే వార్తలు వస్తున్నాయి కానీ నాని కంటిన్యూ చేస్తాడా లేక ఇంకెవరైనా కొత్త యాంకర్ బాధ్యత తీసుకుంటాడా అనేది ప్రస్తుతానికి సస్పెన్స్.