నేచుర‌ల్ స్టార్ ప‌వ‌ర్‌ ఫుల్ విల‌నీ

నేచుర‌ల్ స్టార్ నాని - ఎన‌ర్జిటిక్ హీరో సుధీర్ బాబు కాంబినేష‌న్ లో ఇంద్ర‌గంటి మోహ‌న్ కృష్ణ ఓ మ‌ల్టీస్టార‌ర్ ప్లాన్ చేస్తున్న సంగ‌తి తెలిసిందే. ప్ర‌స్తుతం ఈ సినిమా ప్రీప్రొడ‌క్ష‌న్ ప‌నులు స్వింగ్ లో ఉన్నాయ‌ని తెలుస్తోంది. అలాగే క‌థానాయిక‌లుగా నివేద థామ‌స్, అదితీరావ్ హైద‌రీ న‌టించ‌నున్నార‌ని వార్త‌లు వ‌చ్చాయి.

ఆ మ‌ల్టీస్టార‌ర్‌ కి సంబంధించి తాజా అప్ డేట్స్ అంత‌కంతకు వేడి పెంచుతున్నాయి. నాని, సుధీర్ పాత్ర‌ల‌ గురించి తాజాగా స‌మాచారం అందింది. ఈ సినిమాలో నాని పూర్తి నెగెటివ్ రోల్ పోషిస్తుండ‌గా... సుధీర్ బాబు ప‌వ‌ర్ ఫుల్ పోలీసాఫీస‌ర్ గా క‌నిపించ‌నున్నార‌ట‌. రెండూ ప‌వ‌ర్ ఫుల్ రోల్స్ కాబ‌ట్టి ఇద్ద‌రి మ‌ధ్యా ట‌గ్ ఆఫ్ వార్ న‌డుస్తుంద‌ని.. హై లెవ‌ల్లో గ్రిప్పింగ్ స్క్రీన్ ప్లేని ఇంద్ర‌గంటి త‌యారు చేసుకున్నార‌ని తెలుస్తోంది. ఇంద్ర‌గంటి బ్రాండ్ ఎమోష‌న్.. గ్రిప్పింగ్ నేరేష‌న్ ఉత్కంఠ పెంచేతాయ‌ట‌.

అష్టాచెమ్మా, జెంటిల్ మేన్ లాంటి హిట్ చిత్రాల్ని నానీకి ఇచ్చిన ఇంద్ర‌గంటి `స‌మ్మోహ‌నం` లాంటి బంప‌ర్ హిట్ ని సుధీర్ బాబుకి ఇచ్చారు. ఆ ఇద్ద‌రినీ క‌లిపి ప్ర‌స్తుతం ఆయ‌న సినిమా ప్లాన్ చేయ‌డం ఆస‌క్తిక‌రం. శ్రీ వెంక‌టేశ్వ‌ర క్రియేష‌న్స్ ప‌తాకంపై దిల్ రాజు ఈ చిత్రాన్ని నిర్మిస్తున్నారు. సాధ్య‌మైనంత తొంద‌ర్లోనే అధ‌కారికంగా ప్రారంభోత్స‌వం చేయ‌నున్నార‌ని తెలుస్తోంది. ఇక ఆ ఇద్ద‌రి స‌ర‌స‌న‌ క‌థానాయిక‌లు ఇంకా ఫైన‌ల్ కాలేదు. చ‌ర్చ‌లు సాగుతున్నాయి. పారితోషికం విష‌యంలో నివేద‌ కాస్త బెట్టు చేస్తోంద‌న్న స‌మాచారం ఉంది. మ‌రిన్ని వివ‌రాలు తెలియాల్సి ఉంది.