జెర్సీ రిలీజ్ డేట్ కూడా మారిందోచ్

నాని తాజా చిత్రం 'జెర్సీ'.. నాగచైతన్య కొత్త సినిమా 'మజిలీ' రెండిటినీ ఏప్రిల్ 5 న రిలీజ్ చేసేందుకు ఫిలిం మేకర్స్ డేట్ లాక్ చేసిన విషయం తెలిసిందే. మహేష్ బాబు 'మహర్షి' ఏప్రిల్ 25 న విడుదల చేయాలని అనుకున్నప్పుడు 'జెర్సీ'.. 'మజిలీ' సినిమాల రిలీజ్ డేట్లు ఇలా ఉన్నాయి. కానీ ఇప్పుడు 'మహర్షి' మే 9 వ తేదీ వాయిదా పడడంతో ఇప్పుడు 'జెర్సీ' రిలీజ్ డేట్ కూడా మారింది.

కాంపిటీషన్ లో కాకుండా సోలో రిలీజ్ కోసం 'జెర్సీ' సినిమాను ఏప్రిల్ 5 నుండి ఏప్రిల్ 19 వ తేదీకి మార్చారు నిర్మాతలు. దీంతో చైతు సినిమా 'మజిలీ' కి కూడా సోలో రిలీజ్ దక్కుతోంది. చైతు - సమంతాలతో నానికి ఉన్న ఫ్రెండ్షిప్ తో పాటు సితార ఎంటర్టైన్మెంట్స్ వారికి చైతుతో ఉన్న ఫ్రెండ్లీ రిలేషన్ కారణంగానే పోటీ నుండి తప్పుకున్నారని అంటున్నారు. ఇలా డైరెక్ట్ కాంపిటీషన్ లేకపోవడం రెండు సినిమాలకు కలిసి వచ్చే అంశమే. ముఖ్యంగా చైతు హిట్ కోసం చాలా రోజుల నుండి ఎదురు చూస్తున్నాడు కాబట్టి పోటీ లేకుండా సినిమా రిలీజ్ కావడం బాక్స్ ఆఫీస్ దగ్గర అడ్వాంటేజ్ ఉంటుంది.

త్వరలోనే 'జెర్సీ' కొత్త విడుదల తేదీ గురించి అధికారికంగా ప్రకటన చేస్తారని సమాచారం. స్పోర్ట్స్ డ్రామాగా తెరకెక్కుతున్న ఈ చిత్రంలో నాని ఒక మధ్యవయస్కుడైన క్రికెటర్ గా నటిస్తున్నాడు. 'జెర్సీ' లో నానికి జోడీగా శ్రద్ధా శ్రీనాథ్ హీరోయిన్ గా నటిస్తోంది. అనిరుధ్ రవిచందర్ ఈ సినిమాకు సంగీతం అందిస్తున్నాడు.