గరం గరం పోరులో నాని

ఈ సారి సమ్మర్ లో అత్యధిక ఉష్ణోగ్రతలు ఏ రేంజ్ లో ఉంటాయో తెలియదు కాని టాలీవుడ్ బాక్స్ ఆఫీస్ లో మాత్రం వేడి బాగానే ఉండేట్లు ఉంది. ఎందుకంటే బడా హీరోల సినిమాలు ప్రతిష్టాత్మకంగా తెరకెక్కుతోన్న చిత్రాలు సమ్మర్ ని టార్గెట్ చేశాయి. అయితే మొన్న మొన్న బాక్స్ ఆఫీస్ హీరోగా తనకంటూ ఓ గుర్తింపు తెచ్చుకున్న న్యాచురల్ స్టార్ నాని కూడా ఏదేమైనా ఎండాకాలం బాక్స్ ఆఫీస్ ని మండేలా చేయాలని అనుకుంటున్నాడు.

నాని మొన్నటి వరకు వరుస హ్యాట్రిక్ విజయాలను అందుకున్న విషయం తెలిసిందే. కానీ ఫైనల్ గా ఎంసీఏ సినిమాతో రొటీన్ నాని అనే విమర్శలు ఎదుర్కొన్నాడు. దీంతో మనోడు సమ్మర్ కలెక్షన్స్ పై కన్నేశాడు. అయితే మార్చ్ - ఏప్రిల్ లో మొత్తం స్టార్ హీరోల సినిమాలే ఎక్కువగా ఉన్నాయి. మార్చ్ ఎండ్ కి రామ్ చరణ్ - రంగస్థలం ఫిక్స్ అయిన సంగతి తెలిసిందే. ఇక భరత్ అనే నేను - నా పేరు సూర్య ఫైట్ ఏప్రిల్ 27న మొదలవుతుంది. అయితే ఈ టాలీవుడ్ సూపర్ స్టార్ - స్టైలిష్ స్టార్ లను కోలీవుడ్ సూపర్ స్టార్ కొంచెం బయపెడుతున్నాడు. శంకర్ దర్శకత్వంలో వస్తోన్న రజినీకాంత్ 2.0 సినిమా కూడా ఏప్రిల్ 13న లేదా 27న రిలీజ్ అయ్యే అవకాశం ఉంది. దీంతో మహేష్ - అల్లు అర్జున్ సినిమాల రిలీజ్ డేట్స్ లలో మార్పులు వచ్చే అవకాశం ఉంది. ఇక వీరితో పాటు విలక్షణ దర్శకుడు రామ్ గోపాల్ వర్మ - నాగార్జున కాంబినేషన్ లో తెరకెక్కుతోన్న సినిమా కూడా ఏప్రిల్ 20న రిలీజ్ కావడానికి ఫిక్స్ అయ్యింది. ఇక ఇలాంటి గరం గరం పోరులో నాని కూడా కలవనున్నాడు.

నెక్స్ట్ న్యాచురల్ స్టార్ మెర్లపాక గాంధీ డైరెక్షన్ లో కృష్ణార్జున యుద్ధం సినిమా షూటింగ్ తో బిజీ కానున్నాడు. నిర్మాత దిల్ రాజు ఈ సినిమా టోటల్ థియేట్రికల్ హక్కుల్ని హోల్ సేల్‌ గా కొనేశాడు. ఫైనల్ గా ఏప్రిల్ 9న రిలీజ్ డేట్ ను ఫిక్స్ చెయ్యాలనే ఆలోచనలో ఉన్నాడట. ఎంతకైనా మంచిది అని ముందే బయ్యర్లకు ఎగ్జిబిటర్లకు కూడా సమాచారం ఇచ్చేశాడట. మరి నాని ఎంతవరకు సక్సెస్ అవుతాడో చూడాలి.