టీజర్ టాక్: పాటల సీడి కొన్న నాని

ఒకమ్మాయి హ్యాండిచ్చింది. లవ్ బ్రేకప్ అయ్యింది. అప్పుడు బాధపడాలంటే ఏం చేయాలి? ఖచ్చితంగా చాలామంది ఏడుస్తూ ఉంటారు.. కొందరు అబ్బాయిలైతే ఆల్కహాల్ షురూ చేస్తారు. కాని మన హీరో నాని మాత్రం కాస్త డిఫరెంట్ కదండీ. అందుకే ''మజ్నూ'' అయ్యాడు.

అమ్మాయి బ్రేకప్ చెప్పగానే వెంటనే ఒక ఆడియో క్యాసెట్లు షాపుకు వెళ్ళి.. అక్కడ ఇళయరాజా ఏడుపు పాటల సిడి ఒకటి కొనుక్కొని.. అది ప్లేయర్లో పెట్టుకుని వింటూ బాధపడుతున్నాడు. అంటే బాధలో కూడా బ్యాగ్రౌండ్ స్కోర్ కావాలని అడిగే మనస్సు అతనిది. నాని, అను ఎమ్మానుయేల్ హీరో హీరోయిన్లుగా రూపొందుతున్న సినిమా ''మజ్నూ''. విరించి వర్మ డైరక్షన్లో వస్తున్న ఈ సినిమా టీజర్ ను ఈ రోజు బాబు బంగారం ధియేటర్లలో ప్లే చేశారు. అలాగే నాని కూడా ఆన్ లైన్ లో రిలీజ్ చేశాడులే.

ఈ మధ్య నాని దగ్గర నుండి కామెడీ లవ్ స్టోరీలు రావడం తగ్గాయే అనుకుంటున్న తరుణంలో.. ఇప్పుడు కరక్టుగా అలాంటి ఓ సినిమాతో విచ్చేస్తున్నాడు న్యాచురల్ స్టార్. నాని పాటల సీడి కొన్నాడు.. మీరెళ్ళి టీజర్ చూసిరండి. సినిమా సెప్టెంబర్లో వచ్చేవరకు ఈ టీజరే మనకు!!