నాని బాక్స్ ఆఫీస్ బద్దలవ్వడం కష్టమే

తెలుగు సినిమా ఇండస్ట్రీలో ప్రస్తుతం వరుసగా హిట్స్ అందుకోవాలంటే అంత సులువు కాదు. ఎక్కడో సుడి గట్టిగా ఉండాలి. ఆ సుడి ఎలా వస్తుందో గాని మూడేళ్ల వరకు నాని చుట్టూ గట్టిగా తిరిగింది. ఎవడే సుబ్రహ్మణ్యం నుంచి వరుసగా డబుల్ హ్యాట్రిక్ లను క్రాస్ చేసిన హీరోగా రికార్డ్ సృష్టించాడు. వరుసగా సినిమా బిజినెస్ పెరగడం కూడా స్టార్ట్ అయ్యింది. అయితే నాని ఏ స్థాయిలో చేసినా కూడా 30 కోట్ల దగ్గరే అతని మార్కెట్ కి అడ్డుకట్ట పడింది.

ఆ కట్ట బద్దలవ్వాలంటే స్టార్ దర్శకులతో పని చేస్తే వర్కౌట్ అవుతుంది. కానీ నాని తో బడా దర్శకులు పెద్దగా కలిసి పని చేయలేదు. ఇటీవల కొరటాల శివ అలాగే విక్రమ్ కె కుమార్ లాంటి స్టార్ దర్శకుల దృష్టిలో పడ్డ నాని ఊహించని విధంగా ఆ ఛాన్సులను మిస్ చెసుకున్నట్లు సమాచారం. కొరటాల కొత్తగా చేయాలనే ఆరటంలో నానిని నెక్స్ట్ ప్రాజెక్ట్ కోసం ఫిక్స్ చెసుకున్నట్లు వార్తలు వచ్చాయి. అయితే కొరటాల పై ప్రస్తుతం స్టార్ హీరోల దృష్టి పడింది. మెగా కాంపౌండ్ నుంచి పిలుపు రావడంతో కొరటాల మనసు మార్చుకున్నాడట.

మెగాస్టార్ కు ఒక మంచి సోషల్ ఎలిమెంట్ కథను సెట్ చేయాలని చెప్పడంతో దర్శకుడు ఆ ఛాన్స్ మిస్ చెసుకోవద్దని పనిలో పడ్డాడు. దీంతో నాని తో కొరటాల స్క్రిప్ట్ క్యాన్సిల్ అయ్యింది. ఇక మనం దర్శకుడు విక్రమ్ కుమార్ నాని తో చేయాలని చాలా కాలంగా ఎదురుచూస్తున్నాడు. ఇటీవల ఫైనల్ గా స్క్రిప్ట్ లాక్ చేసుకున్నప్పటికి మళ్లీ ఏమైందో ఏమో డ్రాప్ అనేశాడట. వేరే హీరోతో వర్క్ చేయాలని విక్రమ్ ఫిక్స్ అయినట్లు సమాచారం. ఆ విధంగా రాకరాక రెండు ప్రాజెక్టులు వచ్చి మిస్ అవ్వడంతో నాని అప్సెట్ అయ్యాడట. ఇక చేసేదేమీ లేక తన లెవెల్ కు సెట్ అయ్యే వేరే దర్శకులతో వర్క్ చేయాలని అనుకుంటున్నాడు.