శ్రీ‌కాంత్ అడ్డాల స్క్రిప్ట్ ఓకే అయిన‌ట్టే!

స్క్రిప్టుతో మెప్పిస్తే చాలు ఫ్లాపుల‌తో సంబంధం లేకుండా ఛాన్సులొస్తున్నాయి. ఇటీవ‌ల ప్రాజెక్టు ఫైన‌ల్ అవ్వ‌డానికి స్క్రిప్టు ఎంతో ప్ర‌ధానంగా మారింది. ఈ విష‌యంలో స‌క్సెస్ అయ్యాడు కాబ‌ట్టే గీతా ఆర్ట్స్ లాంటి అగ్ర నిర్మాణ సంస్థ‌లో బొమ్మ‌రిల్లు భాస్క‌ర్ అవ‌కాశం ద‌క్కించుకున్నారు. ఏడాదిన్న‌ర‌గా భాస్క‌ర్ గీతా సంస్థ‌తో స్టిక్ అయ్యి బౌండ్ స్క్రిప్టు రెడీ చేసి ఓకే చేయించుకున్నారు. అఖిల్ హీరోగా భాస్క‌ర్ ద‌ర్శ‌క‌త్వంలో సినిమా ఇటీవ‌ల ప్రారంభ‌మైన సంగ‌తి తెలిసిందే.

తాజా స‌మాచారం ప్ర‌కారం.. గీతా సంస్థ మ‌రో ద‌ర్శ‌కుడికి అవ‌కాశం ఇచ్చింద‌ని తెలుస్తోంది. ఏడాది కాలంగా గీతా ఆర్ట్స్ సంస్థ‌తో ట్రావెల్ అవుతున్న శ్రీ‌కాంత్ అడ్డాల‌కు గ్రీన్ సిగ్న‌ల్ వ‌చ్చేసింద‌ని తెలుస్తోంది. స్క్రిప్టు ఫైన‌ల్ అయ్యింది. ఇక నేచుర‌ల్ స్టార్ నానీని లాక్ చేయ‌డానికి ప్ర‌య‌త్నాల్లో ఉన్నార‌ట‌. నాని హీరోగా ఇదివ‌ర‌కూ గీతా ఆర్ట్స్ 2 సంస్థ‌లో భ‌లే భ‌లే మ‌గాడివోయ్ లాంటి బ్లాక్ బ‌స్ట‌ర్ తెర‌కెక్కిన సంగ‌తి తెలిసిందే. ఆ క్ర‌మంలోనే అడ్డాల స్క్రిప్టుతో నానీకి సెట్ చేస్తుండ‌డం ఆస‌క్తిని రేకెత్తిస్తోంది. ఇక ఈ స్క్రిప్టు శ‌త‌మానం భ‌వ‌తి త‌ర‌హాలో పూర్తిగా ఫ్యామిలీ ఎంట‌ర్ టైన‌ర్ అని తెలుస్తోంది.

నాని - శ్రీ‌కాంత్ అడ్డాల కాంబినేష‌న్ లో గీతా ఆర్ట్స్ సినిమాకి సంబంధించి మ‌రిన్ని వివ‌రాలు అధికారికంగా తెలియాల్సి ఉంది. నాని ప్ర‌స్తుతం సుధీర్ బాబుతో క‌లిసి `వీ` అనే మ‌ల్టీస్టార‌ర్ లో న‌టిస్తున్నారు. దీంతోపాటు సొంత నిర్మాణ సంస్థ‌లో సినిమాలు నిర్మిస్తున్న సంగ‌తి తెలిసిందే. శ్రీ‌కాంత్ అడ్డాల స్క్రిప్టును నాని ఓకే చేస్తారా లేదా.. అన్న‌ది చూడాలి.