మనం దర్శకుడితో నాని

టాలీవుడ్ లో ప్రస్తుతం వరుస విజయాలతో దూసుకుపోతున్న హీరో న్యాచురల్ స్టార్ నాని. కథల విషయంలో చాలా జాగ్రత్తగా అడుగులు వేస్తూ.. దాదాపు గత రెండు సంవత్సరాల నుండి తనకు సెట్ అయ్యే స్టోరీలనే ఎంచుకుంటున్నాడు. అంతే కాకుండా చేసిన ప్రతి సినిమాకి తన మార్కెట్ ను పెంచుకుంటున్నాడు. ప్రస్తుతం టాప్ దర్శకులు నాని డేట్స్ కోసం వెయిట్ చేస్తున్నారు. అంతే కాకుండా బడా నిర్మాతలు కూడా నాని తో ఒక సినిమా చేయ్యాలని ఇష్టపడుతున్నారు.

ప్రస్తుతం రెండు సినిమాలతో బిజీగా ఉన్న నాని మరొక స్టోరీని ఫైనల్ చేసినట్లు సమాచారం. మనం దర్శకుడు విక్రమ్ కుమార్ గత కొంత కాలంగా నానితో ఓ సినిమాను చెయ్యాలని అనుకుంటున్నాడు. రీసెంట్ గా నానితో తో స్టోరీ డిస్కస్ చేసిన విక్రమ్ నెక్స్ట్ సినిమాను అతనితోనే చెయ్యాలని ఫిక్స్ అయ్యాడట. ప్రస్తుతం విక్రమ్ అఖిల్ - హలో సినిమాతో బిజీగా ఉన్న సంగతి తెలిసిందే. ఆ సినిమా ఈ వచ్చే డిసెంబర్ కి ప్రేక్షకుల ముందుకు రానుంది. ఆ సినిమా అయిపోగానే నాని తో సినిమాను సెట్స్ పైకి తీసుకువెళ్లే ఆలోచనలో ఉన్నారట.

నానికి కూడా విక్రమ్ కె కుమార్ చెప్పిన కథని నచ్చినట్లు తెలుస్తోంది. ఈ చిత్రం కొత్త కాన్సెప్ట్ తో ఉండనుందని సమాచారం. అయితే నాని గత కొంత కాలంగా ఎక్కువగా లవ్ స్టోరీలనే ఎంచుకుంటున్నాడనే కామెంట్స్ వినబడుతున్నాయి. మరి విక్రమ్ కె కుమార్ కథ ఎలా ఉండబోతుందో తెలియాలంటే కొన్ని రోజులు ఆగాల్సిందే.