కలెక్షన్స్ కోసం బైలింగ్వల్ చేయకూడదు

ఈ మధ్య స్టార్ హీరోల నుండి యంగ్ హీరోల వరకూ అందరూ బైలింగ్వల్ సినిమా ప్లాన్ చేసుకుంటూ మార్కెట్ పెంచుకుంటున్నారు. అయితే నాని మాత్రం బైలింగ్వల్ సినిమా అంటే తనకి భయం అంటున్నాడు. ' నానీస్ గ్యాంగ్ లీడర్' ప్రమోషన్స్ లో భాగంగా మీడియా ముందుకొచ్చిన నేచురల్ స్టార్ 'జెర్సీ' సినిమా అన్ని భాషల్లో రీమేక్ అవ్వడం హ్యాపీగా ఫీలవుతున్నానని అన్నాడు.

అయితే మీరు కూడా బైలింగ్వెల్ సినిమా చేయోచ్చు కదా అని మీడియా ప్రతినిది అడిగిన ప్రశ్నకు జవాబిచ్చాడు నాని. ఇంతకు ముందు నేను బైలింగ్వల్ చేయడానికి ట్రై చేసినప్పుడు ఆ ప్రాసెస్ ఎలా ఉంటుందో.. ఎంత టైం వేస్ట్ అయిందో తెలుసుకున్నాను. అందుకే నాకు బైలింగ్వల్ అంటే భయం. అదిరిపోయే స్క్రిప్ట్ తో మంచి సెటప్ కుదిరి రెండు రాష్ట్రాలకు బాగుంటుంది అంటేనే సినిమా చేస్తాను. అంతే కాని ఊరికే బాగుంటుంది కదా - ఇంకో చోట కూడా కలెక్షన్స్ వస్తాయి కదా అని టెంప్ట్ అయి బైలింగ్వల్ చేయడం కరెక్ట్ కాదంటూ తెలిపాడు.

సో నాని నుండి రెండు భాషల్లో తెరకెక్కే సినిమా రావాలంటే ఓ అదిరిపోయే సెటప్ తో స్ట్రాంగ్ స్క్రిప్ట్ ఉండాలన్నమాట. నిజానికి 'జెర్సీ' - 'గ్యాంగ్ లీడర్' సినిమాలను నాని బైలింగ్వల్ సినిమాలుగా చేయొచ్చు ఈ రెండిటిలో కోలీవుడ్ కి కనెక్ట్ అయ్యే కంటెంట్ తో పాటు అక్కడ పాపులర్ అయిన టెక్నీషియన్స్ కూడా ఉన్నారు. మరి ఈ రెండు సినిమాలను తమిళ్ లో ఎందుకు చేయలేదో నానికే తెలియాలి.