మణిరత్నంకు నాని షాకిచ్చాడా?

నాని హీరోగా మ‌ణిర‌త్నం ద‌ర్శ‌క‌త్వంలో తెలుగు, త‌మిళ్ ద్విభాషా చిత్రం తెర‌కెక్కనుంద‌ని ఇటీవ‌లి కాలంలో ప్ర‌చార‌మైన సంగ‌తి తెలిసిందే. అయితే ఇప్పుడు ఆ ప్రాజెక్టు లేద‌ని స‌మాచారం. మ‌ణిర‌త్నం ప్ర‌స్తుతం ధ‌నుష్ హీరోగా తెర‌కెక్కించే త‌మిళ చిత్రంపై దృష్టి సారిస్తున్నారు. అందువ‌ల్ల ఇప్ప‌టికి ఈ ప్రాజెక్టు నుంచి నాని డ్రాపైన‌ట్టేన‌ని చెబుతున్నారు.

మ‌ణిర‌త్నం నా ఫేవ‌రెట్ డైరెక్ట‌ర్‌. ఆయ‌న ద‌ర్శ‌క‌త్వంలో ఓ చిన్న బిట్ రోల్ లో అవ‌కాశం వ‌చ్చినా న‌టిస్తాన‌ని నాని చాలా సంద‌ర్భాల్లో చెప్పుకొచ్చాడు. అయితే గ‌త రెండేళ్లుగా నానీకి అలాంటి ఓ అవ‌కాశం ఇలా వ‌చ్చిన‌ట్టే వ‌చ్చి చేజారిపోతోంది. మ‌ణిర‌త్నం ద‌ర్శ‌క‌త్వంలో నాని ఇక న‌టించే టైమ్ వ‌చ్చింది అనుకుంటుండ‌గానే ఈ అవ‌కాశం కూడా చేజారింది. కార‌ణం ఏదైనా ప్ర‌స్తుతానికి నాని- మ‌ణిర‌త్నం సినిమా డ్రాప్డ్‌. అందాల రాక్ష‌సి ఫేం హ‌ను రాఘ‌వ‌పూడి ద‌ర్శ‌క‌త్వంలో ఇంకా టైటిల్ నిర్ణ‌యించ‌ని ఓ సినిమాలో న‌టిస్తున్నాడు నాని. భ‌లే భ‌లే మ‌గాడివోయ్ త‌ర్వాత నాని న‌టిస్తున్న ఏకైక ప్రాజెక్టు ఇదే.