నడుం కనిపిస్తే హీరో నాని విజిల్సే

మామలుగా ఏ సినిమా ఆడియో ఫంక్షన్లలోనైనా కూడా.. తన తోటి హీరోల మీద నాని పంచులు గట్రా పేలుస్తాడేమో కాని.. హీరోయిన్ల విషయంలో మాత్రం బాగానే ఉంటాడు. ఒకవేళ కామెంట్‌ చేసినా కూడా.. వారి యాక్టింగ్‌ టాలెంట్‌ మీదనే ఏదన్నా పేలుస్తాడు కాని.. ఫిజిక్ జోలికి పోడు. కాని ఈసారి మాత్రం బోర్డరు దాటేశాడు కుర్రాడు.

''సుప్రీమ్‌ సినిమాలో నాకు ఈ రీమిక్స్‌ సాంగ్‌ అదిరిపోయింది. అందం హిందోళం సాంగు చూసినప్పుడు రెండుసార్లు నాకు విజిల్‌ వేయాలని అనిపించింది. ఒకటి ఇది చిరంజీవిగారి పాట కాబట్టి. రెండోది.. ఈ పాటలో ఒక చోట అలా నడుం చూపించింది రాశి. అబ్బో..'' అంటూ చెప్పుకొచ్చాడు నాని. ఈ మాటను మనోడి నోటి నుండి విన్న వాళ్ళందరూ షాకే. ఎందుకంటే ఎప్పుడూ ఇలాంటి సెక్సిష్టు కామెంట్లు చేయలేదు మనోడు మరి.

ఇక నడుం కనిపించగానే విజిల్స్‌ వేయాలని అనిపించింది అనే కామెంట్‌ ను రాశి ఖన్నా చాలా స్పోర్టివ్‌ గా ప్రొఫెషనల్‌ గా తీసుకుంది కాని.. పాపం ఇంటికెళ్ళాక వాళ్ళావిడ అంజు చేతిలో నాని ఎన్ని తన్నులు తిన్నాడో ఏంటో అని అతగాడి స్నేహితులు జోకులు పేల్చుకుంటున్నారు. అది సంగతి.