ఆ సినిమాకు నాని పాజిటివ్ రివ్యూ ఇచ్చేశాడు

క్రిస్మస్ వీకెండ్లో టాలీవుడ్ బాక్సాఫీస్ లో కొత్త సినిమాల మోత మోగిపోనుంది. శుక్రవారం ఒక్క రోజే రెండు స్ట్రెయిట్ సినిమాలు (వంగవీటి-సప్తగిరి ఎక్స్ ప్రెస్).. రెండు డబ్బింగ్ సినిమాలు (ఒక్కడొచ్చాడు-యుద్ధం) రిలీజవుతున్నాయి. అయినా మరుసటి రోజు పోటీగా ‘పిట్టగోడ’ సినిమా విడుదలకు రెడీ అయిపోయింది. రిజల్ట్ మీద ఉన్న కాన్ఫిడెన్స్ వల్లే ఈ చిన్న చిత్రాన్ని ధైర్యంగా రిలీజ్ చేస్తున్నట్లు తెలుస్తోంది. అష్టాచెమ్మా.. గోల్కొండ హైస్కూల్.. ఉయ్యాల జంపాల లాంటి సినిమాలతో తన అభిరుచి ఏంటో చూపించాడు నిర్మాత రామ్మోహన్. ‘పిట్టగోడ’కు కూడా ఆయనే నిర్మాత. సురేష్ బాబుకు సినిమా నచ్చి నిర్మాణ భాగస్వామి అయ్యారు. ఆయనే ఈ చిత్రాన్ని రిలీజ్ చేస్తున్నాడు.

‘పిట్టగోడ’ ఫస్ట్ పోస్టర్ తో పాటు ఫస్ట్ టీజర్ కూడా లాంచ్ చేసి.. టీజర్ కు వాయిస్ ఓవర్ కూడా ఇచ్చిన నాని.. విడుదలకు రెండు రోజుల ముందే ఈ సినిమా కూడా చూసేశాడు. సినిమా చాలా బాగుందంటూ ట్విట్టర్లో రివ్యూ కూడా ఇచ్చేశాడు. ‘పిట్టగోడ’ స్వీట్ ఫిల్మ్ అని.. తప్పక చూడమని సెలవిచ్చాడు నాని. దీంతో ఇప్పటికే ఈ సినిమా మీద ఉన్న పాజిటివ్ బజ్ మరింత పెరిగింది. ఆల్రెడీ సురేష్ బాబు సైతం సినిమా చాలా బాగుందని ప్రశంసించారు. ఈ సినిమాను ప్రమోట్ చేస్తూ ఇంటర్వ్యూలు కూడా ఇచ్చారు. చూస్తుంటే ‘పిట్టగోడ’ మరో సర్ప్రైజ్ హిట్టయ్యేలాగే కనిపిస్తోంది. అనుదీప్ అనే కొత్త దర్శకుడు రూపొందించిన ఈ చిత్రంలో విశ్వనాథ్ రాచకొండ.. పునర్ణవి హీరో హీరోయిన్లుగా నటించారు. ‘ప్రాణం’ కమలాకర్ ఈ చిత్రానికి సంగీతాన్నందించాడు.

Like Us on Facebook : https://www.facebook.com/Tupakidotcom/