నాని వెయిటింగ్ అందుకోసమేనట

సినిమా ఇండస్ట్రీలో అన్నిటి కంటే పాపురాటి సెంటిమెంట్స్ కే ఉంటుంది. ఎన్ని సెంటిమెంట్స్ రన్నింగ్ లో ఉన్నా కొత్తకొత్తవి వస్తూనే ఉంటాయ్. ఇప్పుడు నానికి సెప్టెంబర్ సెంటిమెంట్ ను వదలిపెట్టకూడదని అనుకుంటున్నాడన తెలుస్తోంది.

గతేడాది రిలీజ్ అయి.. నానికి కెరీర్ బిగ్గెస్ట్ అయిన భలేభలే మగాడివోయ్ సహా.. పలు చిత్రాలు సెప్టెంబర్ లోనే విడుదలయ్యాయి. అందుకే నానికి ఆ నెలంటే మహా ఇష్టం. ఇప్పుడు మజ్ను మూవీని కంప్లీట్ చేసిన ఈ నేచురల్ స్టార్.. ఆ చిత్రాన్ని కూడా సెప్టెంబర్లోనే తెరపైకి తేవాలని చూస్తున్నాడు. కానీ ఆ నెల సినిమా రిలీజ్ లు ఎక్కువగా ఉండడంతో.. బాగా జాగ్రత్త పడాల్సి వస్తోంది. అసలు సెప్టెంబర్ మొదలయ్యేదే యంగ్ టైగర్ ఎన్టీఆర్ హంగామాతో. రెండో తారీఖునే జనతా గ్యారేజ్ వచ్చేస్తోంది. ఆ తర్వాత వారం గ్యాప్ లో ప్రేమమ్ ని కూడా రిలీజ్ చేయనున్నారు. ఇవి కాక సెప్టెంబర్ పై కన్నేసిన సినిమాలు మరో అరడజన్ కు పైగా ఉన్నాయి. ఇంత హడావిడిలో వస్తే.. కచ్చితంగా తన సినిమా లాస్ అవుతుందని నాని ఫీలింగ్.

అందుకే మిగిలిన చిత్రాలకు సంబంధించిన డేట్స్ కూడా వచ్చేశాక..అప్పుడు మజ్ను రిలీజ్ పై అనౌన్స్ చేయాలని చూస్తున్నాడు నాని. అంటే.. ఇంకొన్ని రోజుల్లో కొత్త సినిమా రిలీజ్ పై అనౌన్స్ మెంట్ వచ్చేస్తుందన్న మాట.