నాని వాళ్ళ జున్ను గాడి ఫోటో చూశారా!!

టాలీవుడ్ లో గత కొంత కాలంగా వరుస విజయాలతో దూసుకుపోతున్న హీరోల్లో ఎవరు ముందున్నారు అంటే?.. ఎవ్వరైనా సరే న్యాచురల్ స్టార్ నాని అనేస్తారు. తొందరగా హీరోగా సెట్ అయిపోయి బ్యాచులర్ లైఫ్ కి విడాకులు ఇచ్చేసిన ఈ హీరో తన చిన్న ఫ్యామిలీతో హ్యాపీగా ఎంజాయ్ చేస్తున్నాడు. ఇక గత ఏడాది ఈ సమయానికి నాని డాడీ అయిన సంగతి అందరికీ తెలిసిందే. వారసుడు వచ్చిన శుభ సందర్భంలో నాని చేసిన రచ్చ అంతా ఇంతా కాదు. ప్రతి వేడుకను చాలా సంప్రదాయంగా చేసుకున్నాడు.

నాని ఎంత బిజీగా ఉన్నప్పటికీ తన కొడుకు అర్జున్ ని చూడకుండా ఒక్క వారమైన ఉండలేడు. డాడీ పోస్ట్ కి చాలా న్యాయం చేస్తూ వస్తున్నాడు. ఎప్పటికప్పుడు తన కొడుకుతో ఉన్న హ్యాపీ మూమెంట్స్ ని సోషల్ మీడియా ద్వారా అభిమానులతో పంచుకుంటాడు. అయితే ఇప్పుడు నాని కుమారుడు అర్జున్ మొదటి పుట్టిన రోజు కావడంతో బర్త్ డే ప్లాన్ ను కూడా చేసుకున్నాడు. ముందుగా ఒక ఫొటోను సోషల్ మీడియాలో పోస్ట్ చేసి తన కుమారుడికి చాలా డిఫెరెంట్ గా శుభాకాంక్షలు తెలిపాడు.

'ది లిటిల్ రాస్కెల్ టర్న్స్ వన్ టుడే.. దొంగా నా కొడుకు. జున్ను గాడు' అంటూ.. కారులో తన కొడుకుతో ఎంతో ప్రేమగా ఉన్న ఫోటోని పోస్ట్ చేశాడు. ప్రస్తుతం ఆ ఫొటో నెటీజన్స్ ని చాలా ఆకట్టుకుంటోంది. ఇక ప్రస్తుతం నాని సినిమాల విషయానికి వస్తే.. మెకపార్ల గాంధీ దర్శకత్వంలో తెరకెక్కుతోన్న కృష్ణార్జున యుద్ధం అనే సినిమా చివరి దశలో ఉంది. ఇప్పటికే సినిమా పాటలకు మంచి స్పందన వచ్చింది. నాని ద్విపాత్రాభినయం చేస్తోన్న ఈ సినిమా వచ్చేనెల ప్రేక్షకుల ముందుకు రానుంది.