వీడియో : నాచురల్ స్టార్‌.. సూపర్ కూల్ యాడ్‌

టాలీవుడ్‌ హీరోల్లో మహేష్ బాబు మరో ఇద్దరు ముగ్గురు మాత్రమే రెండు మూడు ఏళ్ల ముందు వరకు బ్రాండ్ అంబాసిడర్స్ గా వ్యవహరిస్తూ ఉండే వారు.

కాని ఇప్పుడు టాలీవుడ్‌ లో బ్రాండ్ అంబాసిడర్స్ సంఖ్య చాలానే పెరిగింది. పలువురు హీరోలు కోట్ల పారితోషికం తీసుకుని జాతీయ.. అంతర్జాతీయ.. రియల్ ఎస్టేట్ కంపెనీలకు బ్రాండ్‌ అంబాసిడర్ గా వ్యవహరిస్తున్నారు.

తాజాగా అల్లు అర్జున్ కూడా బ్రాండ్ అంబాసిడర్ గా సైన్ చేయడంతో పాటు ఒక యాడ్ లో కూడా నటించాడు. స్ప్రైట్ యాడ్ లో నాచురల్ స్టార్‌ నాని నటించాడు. ఈ యాడ్ లో తెలుగు అమ్మాయి ఈషా ని కూడా చూడవచ్చు. ఈషా మరియు నాని మధ్య లో వైవా హర్ష కూడా ఉన్నాడు. ఈ యాడ్ ప్రస్తుతం సోషల్ మీడియాలో చక్కర్లు కొడుతోంది.

నాని హీరోగా ప్రస్తుతం దసరా సినిమా షూటింగ్ లో పాల్గొంటున్నాడు. ఆ సినిమా కోసం జుట్టు పెంచుకుని పొడవాటి గడ్డంతో కనిపిస్తున్నాడు.

స్ప్రైట్‌ యాడ్ లో కూడా దసరా లుక్ తోనే కనిపించాడు. మాస్ లుక్ లో చాలా కూల్ సూపర్ యాడ్‌ అయిన స్ప్రైట్ యాడ్ లో నాని కనిపించాడు అంటూ కామెంట్స్ వస్తున్నాయి.

ఇటీవల నాని నుండి వచ్చిన శ్యామ్‌ సింగ రాయ్ మరియు అంటే సుందరానికి సినిమా లు పాజిటివ్ రెస్పాన్స్ ను దక్కించుకున్నాయి. ముఖ్యంగా శ్యామ్ సింగ రాయ్ సినిమా భారీ విజయాన్ని సొంతం చేసుకుంది. కనుక నాని తదుపరి సినిమాలపై అంచనాలు భారీగా ఉన్నాయి. దసరా సినిమా విడుదల తేదీ ప్రస్తుతం నాని అభిమానుల్లో ఆసక్తిని రేకెత్తిస్తుంది. ఈ లోపు స్ప్రైట్‌ యాడ్‌ రావడం నాని ఫ్యాన్స్ కు సర్‌ ప్రైజ్ అనడంలో సందేహం లేదు.