లిప్ లాక్ ని GIF చేసి ఇంటర్నెట్ లో వదిలిన నాని టీమ్..!

నేచురల్ స్టార్ నాని హీరోగా టాలెంటెడ్ డైరెక్టర్ రాహుల్ సంకృత్యాన్ తెరకెక్కించిన తాజా చిత్రం ''శ్యామ్ సింగరాయ్''. ఇందులో సాయి పల్లవి - కృతి శెట్టి - మడోన్నా సెబాస్టియన్ హీరోయిన్లుగా నటించారు.

క్రిస్మస్ సందర్భంగా డిసెంబర్ 24న తెలుగు, తమిళం, కన్నడ, మలయాళం భాషల్లో ఈ సినిమా విడుదల కానుంది. ఈ నేపథ్యంలో ప్రమోషన్స్ స్పీడ్ పెంచిన మేకర్స్.. లేటెస్టుగా ట్రైలర్ ను రిలీజ్ చేసారు.

ట్రైలర్ లో నాని రెండు విభిన్నమైన పాత్రల్లో కనిపించి ఆకట్టుకున్నారు. 1970స్ కలకత్తా బ్యాక్ డ్రాప్ లో దేవదాసి వ్యవస్థను.. ప్రస్తుత కాలానికి లింక్ చేస్తూ కట్ చేయబడిన 'శ్యామ్ సింగరాయ్' ట్రైలర్ ట్రెండింగ్ లో ఉంది.

ఇందులో దేవదాసీగా సాయి పల్లవి - పోలీసాఫీసర్ గా మడోన్నా కనిపించారు. ఇక నాని పోషించిన వాసు పాత్రకు ప్రేయసిగా కృతి శెట్టి నటించింది. ఏ క్రమంలో నాని తో రొమాన్స్ చేయడమే కాదు.. లిప్ లాక్ చేసి అందరినీ ఆశ్చర్యపరిచింది.

నిజానికి 'శ్యామ్ సింగ..' టీజర్ లోనే కృతి లిప్ కిస్ సీన్ సోషల్ మీడియాలో చర్చనీయంగా మారింది. ఇప్పుడు మరోసారి నాని తో గాఢమైన ముద్దు సన్నివేశంలో కనిపించింది.

ఇది కెమెరా జిమ్మిక్కా లేక నిజంగానే లిప్ కిస్ ఇచ్చిందా అనేది తెలియదు కానీ.. ప్రస్తుతం కృతి కిస్సింగ్ గురించే అందరూ మాట్లాడుకుంటున్నారు. ఈరోజుల్లో లిప్ లాక్ సీన్స్ అనేవి సినిమాల్లో కామన్ గా కనిపించేవే. కాకపోతే వాటినే స్పెషల్ గా మెన్షన్ చేస్తూ పబ్లిసిటీ చేసుకోవడమే అందరి దృష్టి దీనిపై పడేలా చేసింది.

నాని సినిమా మరో తొమ్మిది రోజుల్లో ప్రేక్షకుల ముందుకు రానున్న నేపథ్యంలో చిత్ర బృందం సోషల్ మీడియాలో ముమ్మరంగా ప్రచారం చేస్తోంది.

ఈ క్రమంలో తాజాగా ట్రైలర్ లోని సీన్స్ తో ఓ GIF ని కట్ చేసి పోస్ట్ చేసింది. ఇందులో సాయి పల్లవి - నాని లతో పాటుగా కృతి శెట్టి లిప్ కిస్ ను స్పెషల్ గా చూపించారు. దీన్ని బట్టి 'శ్యామ్ సింగ రాయ్' చిత్రంలో యాక్షన్ తో పాటుగా రొమాన్స్ కూడా ఉందని చెబుతూ ఆడియన్స్ ని ఆకట్టుకునే ప్రయత్నం చేస్తున్నారని అర్థం అవుతోంది.

కాగా, నాని ని సరికొత్త అవతారంలో ప్రెజెంట్ చేస్తున్న 'శ్యామ్ సింగరాయ్' చిత్రానికి సత్యదేవ్ జంగా కథ అందించారు. ఇందులో రాహుల్ రవీంద్రన్ - మురళీ శర్మ -అభినవ్ గోమటం - జిషు సేన్ గుప్తా - లీలా శాంసన్ - మనీష్ వాద్వా - బరున్ చందా కీలక పాత్రలు పోషించారు. మిక్కీ జె మేయర్ సంగీతం సమకూర్చగా.. సాను జాన్ వర్గేష్ సినిమాటోగ్రఫీ అందించారు.

నవీన్ నూలి ఎడిటర్‌ గా.. అవినాష్ కొల్లా ప్రొడక్షన్ డిజైనర్ గా వర్క్ చేశారు నిహారిక ఎంటర్టైన్మెంట్స్ బ్యానర్ పై వెంకట్ బోయనపల్లి భారీ స్థాయిలో ఈ చిత్రాన్ని నిర్మించారు.