నాని హీరోయిన్ రేంజ్ మారుతోందే

తన రేంజ్ అంతకంతకూ నిలకడగా పెంచుకుంటున్న హీరో నాని. యావరేజ్ సినిమాలను కూడా సూపర్ హిట్ రేంజ్ కు తీసుకెళ్లడం.. టాక్ తో సంబంధం లేకుండా వసూళ్లను సాధించడం వంటివి స్టార్ హీరోలకే సాధ్యం అనుకుంటాం. మీడియం రేంజ్ హీరో నుంచి నాని ఆ తర్వాతి లీగ్ కు జర్నీ చేస్తున్నాడనే విషయాన్ని ఎంసీఏ కన్ఫాం చేసింది. ఇప్పటివరకూ నాని సినిమాల్లో ఒక కామన్ పాయింట్ కనిపిస్తోంది.

అప్పుడెప్పుడో ఈగ మూవీలో సమంత మినహాయిస్తే.. ఇప్పటివరకూ స్టార్ హీరోయిన్స్ తో వర్క్ చేయలేదు నాని. ఈగ వచ్చే సమయానికి సామ్ స్టార్ హీరోయిన్ కాదనే విషయం గుర్తుంచుకోవాలి. ఇప్పుడు నాని పక్కన నటించేందుకు ఓ టాప్ లీగ్ భామ యాక్సెప్ట్ చేసిందనే వార్తలు వస్తున్నాయి. ఇంతకీ ఆమె యెవరో కాదు.. రకుల్ ప్రీత్ సింగ్. మహేష్ బాబు స్పైడర్ తర్వాత ఇప్పటివరకూ కొత్తగా ఏ తెలుగు సినిమాకు సైన్ చేయని రకుల్.. ఇప్పుడు నానితో మూవీకి సైన్ చేసినట్లు తెలుస్తోంది. ప్రస్తుతం ఈ భామకు అర్జంటుగా హిట్ కావాల్సిన పరిస్థితి.

అలాంటి టైంలో నాగార్జున-నాని నటిస్తున్న మల్టీస్టారర్ లో.. న్యాచురల్ స్టార్ కు జోడీగా నటించాలని.. దర్శకుడు శ్రీరాం ఆదిత్య ఆఫర్ అందించాడట. నాని పై ఉన్న కాన్ఫిడెన్స్ తో.. వెంటనే దీనికి యాక్సెప్ట్ చేసిందట పంజాబీ బ్యూటీ. ఇలా ఓ మల్టీస్టారర్ ప్యాకేజ్ లో ఆఫర్ అందుకున్న రకుల్.. తన క్యారెక్టర్ కు కూడా ఇంపార్టెన్స్ ఉండడంతోనే ఈ ప్రాజెక్టు ఒప్పుకున్నట్లు చెబుతోందని తెలుస్తోంది.