విక్రమ్ తో కలిసి స్క్రీన్ ప్లే రాస్తున్నాడట!

రవితేజ.. నాని.. రాజ్ తరుణ్ ఈ హీరోల్లో ఒక కామన్ పాయింట్ ఏంటంటే అసిస్టెంట్ డైరెక్టర్ గా కెరీర్ మొదలు పెట్టి హీరోలు అయ్యారు. హీరో అవకాశాలు రాకుంటే వారు ఖచ్చితంగా డైరెక్టర్లు అయిఉండేవారేమో. ఏదేమైనా ఇప్పుడు వారు మాత్రం హీరోలే. ముఖ్యంగా నాని ఇపుడు న్యాచురల్ స్టార్ గా మారిపోయి ప్రేక్షకులను తన సహజ నటనతో మెప్పిస్తున్నాడు.

కానీ తాజా సమాచారం ప్రకారం నాని ఒక్కసారి తన లోపలి డైరెక్టర్ ను బయటకు తీసే ప్రయత్నాలలో ఉన్నాడట. అలా అని డైరెక్షన్ చేస్తాడని మీరేం ఫిక్స్ అయిపోవద్దు. నానికి అంత సమయం కూడా లేదు.. జస్ట్ స్క్రీన్ ప్లే రాస్తాడట. అది కూడా డైరెక్టర్ విక్రమ్ కుమార్ తో కలిసి. నాని - విక్రమ్ కుమార్ కాంబినేషన్ లో ఒక సినిమా తెరకెక్కనున్న విషయం తెలిసిందే. ఈ సినిమాకు ప్రస్తుతం ప్రీ ప్రొడక్షన్ జరుగుతోంది. ఈ సినిమా స్క్రీన్ ప్లే ను విక్రమ్ - నాని లు కలిసి రాస్తున్నారట. మరి టైటిల్ క్రెడిట్స్ లో స్క్రీన్ ప్లే లో నాని పేరు వస్తుందా లేదా అనే విషయం మాత్రం తెలీదు.

ఇదిలా ఉంటే నాని ప్రస్తుతం స్పోర్ట్స్ డ్రామా 'జెర్సీ' షూటింగ్ తో బిజీగా ఉన్నాడు. గౌతమ్ తిన్ననూరి దర్శకత్వంలో తెరకెక్కుతున్న ఈ సినిమాలో నాని ఒక క్రికెటర్ పాత్రలో నటిస్తున్నాడు.. ఈ సినిమా షూటింగ్ పూర్తి కాగానే నాని - విక్రమ్ కుమార్ సినిమా సెట్స్ పైకి వెళ్తుంది.