నాని నోట సాహో మాట!

డార్లింగ్ ప్రభాస్ సాహోకు సంబంధించి రోజుకో రకమైన ఎగ్జైట్మెంట్ అభిమానులను ఉక్కిరిబిక్కిరి చేస్తోంది. ఇప్పటికే విలన్ల పోస్టర్లతో క్యూ కట్టించిన టీమ్ ఎల్లుండి ట్రైలర్ తో దీన్ని పీక్స్ లోకి తీసుకెళ్లబోతోంది. ఆగస్ట్ 15 నుంచి 30కి రిలీజ్ డేట్ షిఫ్ట్ అయినా దానికి అనుగుణంగా ఇతర సినిమాల నిర్మాతలు తమ డేట్స్ ని రీ షెడ్యూల్ చేసుకున్న సంగతి తెలిసిందే. హిందీ చిచోరే తమిళ్ కాప్పన్ ఇప్పటికే షిఫ్ట్ అయిపోయాయి. ఇప్పుడు నాని గ్యాంగ్ లీడర్ వంతు వచ్చింది.

సాహో కన్నా చాలా ముందుగా ఆగస్ట్ 30ని బుక్ చేసుకున్న మైత్రి టీమ్ ఇప్పుడు కొత్త డేట్ గురించి ఓ నిర్ణయానికి వచ్చేసింది. అదేంటో రేపు ప్రకటించబోతున్నారు. ఈ విషయాన్ని నేరుగా కాకుండా నానితో ట్వీట్ లో చెప్పించారు. ఊరికే చెబితే నాని ఎందుకు అవుతాడు. తనదైన శైలిలో సాహోకి కాంప్లిమెంట్స్ ఇస్తూ చెప్పాడు

దేశవ్యాప్తంగా సంచలనానికి కేంద్రబిందువుగా నిలుస్తున్న సాహో మన సినిమా ఇది విజయవంతమైనప్పుడు అది మనందరికీ పండగ. పెద్ద బ్లాక్ బస్టర్ కు తక్కువ కాకుండా సాధించాలని ప్రభాస్ అన్నకు ఆయన టీమ్ కు నా హృదయపూర్వక శుభాకాంక్షలు. గ్యాంగ్ లీడర్ డేట్ ని రేపు ప్రకటిస్తాం. ఇదీ నాని ట్వీట్ చేసిన మెసేజ్.

దీన్ని బట్టి వాయిదా కన్ఫర్మ్ అయ్యింది కానీ కొత్త డేట్ సెప్టెంబర్ 13నా లేక 20 అనే సస్పెన్స్ మాత్రం రేపే వీడుతుంది. సాహో మీద మెల్లగా ఇండస్ట్రీ జనం రెస్పాండ్ అవుతున్నారు. టాలీవుడ్ లో ఇప్పటిదాకా ఇంత వ్యయంతో నిర్మాణం అయిన యాక్షన్ ఎంటర్ టైనర్ ఇదే కావడంతో అందరికి దీని మీద విపరీతమైన ఆసక్తి ఉంది. సాహో కోసం డేట్ త్యాగం చేసిన గ్యాంగ్ లీడర్ ఎప్పుడు వస్తాడో తెలుసుకోవాలంటే రేపటి దాకా వెయిట్ చేయండి