ట్యాక్సీవాలా తో నాని మూవీ నిజమేనా?

యంగ్‌ హీరో నాని వరుసగా చిత్రాలు చేస్తున్నాడు. ఈ ఏడాది జెర్సీ మరియు గ్యాంగ్‌ లీడర్‌ చిత్రాల తో ప్రేక్షకుల ముందుకు వచ్చిన నాని వచ్చే ఏడాది తన 25వ చిత్రం 'వి' తో పాటు శివ నిర్వాన దర్శకత్వంలో చేయబోతున్న 'టక్‌ జగదీశ్‌' చిత్రంతో కూడా ప్రేక్షకుల ముందుకు రాబోతున్నాడు. ప్రస్తుతం 'వి' సినిమా షూటింగ్‌ లో బిజీగా ఉన్న నాని ఆ వెంటనే టక్‌ జగదీశ్‌ చిత్రంలో నటించబోతున్నాడు. ఈ రెండు సినిమాలే కాకుండా నాని మరో సినిమాకు గ్రీన్‌ సిగ్నల్‌ ఇచ్చినట్లుగా సమాచారం అందుతోంది.

ట్యాక్సీవాలా చిత్రం తో దర్శకుడి గా పరిచయం అయిన రాహుల్‌ సంకృతన్‌ చెప్పిన స్టోరీ లైన్‌ నాని కి నచ్చిందని.. రాహుల్‌ దర్శకత్వం లో నటించేందుకు నాని ఆసక్తిని కనబర్చుతున్నట్లుగా సినీ వర్గాల్లో టాక్‌ వినిపిస్తుంది. ట్యాక్సీవాలా సినిమా విభిన్నమైన కాన్సెప్ట్‌ తో దర్శకుడు రాహుల్‌ తెరకెక్కించి పర్వాలేదు అనిపించుకున్నాడు. దర్శకుడిగా మంచి మార్కులే పడ్డాయి. ట్యాలెంటెడ్‌ డైరెక్టర్‌ గా పేరు దక్కించుకున్న రాహుల్‌ తో నాని సినిమా చేయాలని భావిస్తున్నాడట.

వీరిద్దరి కాంబో మూవీ 2020 లో ప్రారంభం అయ్యే అవకాశం ఉంది. 'వి' మూవీ త్వరగా పూర్తి అయ్యి టక్‌ జగదీశ్‌ త్వరగా వస్తే 2020లోనే నాని.. రాహుల్‌ సంకృతన్‌ సినిమా కూడా వచ్చే అవకాశం ఉంది. నాని 25వ చిత్రంగా 'వి' రూపొందుతుండగా 26వ చిత్రంగా టక్‌ జగదీశ్‌ రూపొందబోతుంది. 27వ చిత్రంగా రాహుల్‌ దరశకత్వంలో మూవీ వచ్చే అవకాశాలున్నాయి. రాహుల్‌ తో మూవీ విషయమై నాని నుండి అధికారిక ప్రకటన రావాల్సి ఉంది.