టీజర్ టాక్: బాయ్ ఫ్రెండ్స్ తో కుమారికి భలే

కుమారి21ఎఫ్ తో తెలుగు కుర్రాళ్లను ఆకట్టుకున్న బ్యూటీ హేభాపటేల్.. ఇప్పుడు 'నాన్న నేను నా బాయ్ ఫ్రెండ్స్' అనే టైటిల్ తో మూవీ చేస్తోంది. మొదట 'నేను నా బాయ్ ఫ్రెండ్స్' అనుకున్నా.. ఇప్పుడు టైటిల్ లో నాన్నను కూడా తగిలించారు. ఈ మూవీ టీజర్ ను లాంఛ్ చేయగా.. టైటిల్ కు తగ్గట్లుగానే టీజర్ అంతా హేభా చుట్టూనే తిరిగింది.

హేభా పటేల్ అందాలతో మొదలుపెట్టి.. ఆమె సోయగాలను మెరుపులను చూపించాక.. అసలు విషయంలోకి వచ్చేశారు. 'తెలుగు రాష్ట్రాల్లో కుప్పలు తెప్పలుగా పడున్న కుర్రాళ్లోంచి ముగ్గురు కత్తి లాంటి కుర్రాళ్లను సెలక్ట్ చేశా. వాళ్లలో ఒకడిని మా నాన్నకు అల్లుడిని చేస్తా' అంటూ తేజస్వితో హేభా చెప్పే ఒక్క డైలాగ్ తోనే మూవీ కాన్సెప్ట్ ఏంటో చెప్పేయడం విశేషం. 'నేను ముగ్గురిని లవ్ చేస్తుంటే వినటానికి మీకెలా ఉందో కానీ.. ముగ్గురు నన్ను లవ్ చేస్తుంటే మాత్రం వినటానికి నాకు భలేగా ఉంది' అంటూ టీజర్ కు ఫినిషింగ్ ఇచ్చింది కుమారి హేభా పటేల్.

హేభాతో పాటు అందాలు పంచే బాధ్యతను తేజస్వి మదివాడ పంచుకోగా.. బాయ్ ఫ్రెండ్స్ ముగ్గురిగా అశ్విన్.. పార్వతీశం.. నోయల్ లు నటించారు. నాన్న నేను నా బాయ్ ఫ్రెండ్స్ మూవీ ద్వారా భాస్కర్ బండి దర్శకుడిగా పరిచయం అవుతున్నాడు. టీజర్ లో ఉన్న కంటెంట్ ప్రామెసింగ్ గా ఉండడంతో పాటు.. శేఖర్ చంద్ర ఇచ్చిన మ్యూజిక్ థీమ్ కి తగ్గట్లుగా ఆకట్టుకుంటోంది



Like Us on Facebook : https://www.facebook.com/Tupakidotcom/