రిలీజ్ కన్ఫమ్ చేసిన రాయల్ ఎన్టీఆర్

ఎన్టీఆర్-సుకుమార్ ల ‘నాన్నకు ప్రేమతో’ రిలీజ్ డేట్ విషయంలో ఇప్పటికే చాలా కథలు నడిచాయి. ఈ సినిమా సంక్రాంతికి రాదంట అని వార్తలు రావడం.. దాన్ని ఖండిస్తూ నిర్మాత ప్రకటన ఇవ్వడం.. మళ్లీ రూమర్లు రావడం.. ఖండనలివ్వడం మామూలైపోయింది. తాజాగా వారం రోజుల నుంచి మళ్లీ నాన్నకు ప్రేమతో రిలీజ్ డేట్ విషయంలో మళ్లీ సస్పెన్స్ నడుస్తోంది. సంక్రాంతికి సినిమా రావడం డౌటేనని ప్రచారం జరుగుతోంది. ఈ నేపథ్యంలో నిర్మాత బి.వి.ఎస్.ఎన్.ప్రసాద్ మళ్లీ లైన్లోకి వచ్చాడు. ఒక మెరుపు లాంటి పోస్టర్ ఒకటి రిలీజ్ చేసి... నాన్నకు ప్రేమతో సంక్రాంతికే రాబోతోందని కన్ఫమ్ చేశాడు.

ఈ పోస్టర్ చూడగానే నందమూరి అభిమానులు ఉక్కిరి బిక్కిరి అయిపోవడం ఖాయం. ఇప్పటిదాకా ఎన్నడూ కనిపించని లుక్ తో ఇప్పటికే జనాలకు షాకిచ్చిన తారక్.. ఆ లుక్కుకే కొంచెం ఫార్మల్ టచ్ ఇచ్చి జీపుపై రాయల్ గా కూర్చుని ఉబర్ కూల్ పోస్టర్ తో సరికొత్తగా దర్శనమిచ్చాడు. వెనకాల బ్యాగ్రౌండ్ కానీ.. పోస్టర్ కానీ.. టాప్ క్లాప్ అనిపిస్తున్నాయి. ప్రస్తుతం నాన్నకు ప్రేమతో టీం స్పెయిన్ లో చివరి షెడ్యూల్ షూటింగ్ కానిస్తోంది. ఈ నెల చివరి వారంలో ఆడియో విడుదలతో పాటు లాస్ట్ సాంగ్ షూటింగ్ జరుగుతుంది. జవవరి 13న ఈ చిత్రాన్ని ప్రేక్షకుల ముందుకు తేనున్నారు.