ఆల్ టైం సంక్రాంతి హిట్ నాన్నకు ప్రేమతో

యంగ్ టైగర్ ఎన్టీఆర్ - సుకుమార్ కాంబినేషన్ లో వచ్చిన నాన్నకు ప్రేమతో.. రికార్డులకు కేరాఫ్ అడ్రస్ గా మారిపోయింది. ఇప్పటికే 50 కోట్ల రూపాయల షేర్ సాధించి సంక్రాంతి సినిమాల్లో బిగ్గెస్ట్ హిట్ గా నిలిచిన ఈ మూవీ.. యూఎస్ లోనూ 2 మిలియన్ డాలర్లు వసూలు చేసి, ఆల్ టైం టాలీవుడ్ టాప్ త్రీ గా నిలబడింది.

ఈ ఏడాది సంక్రాంతి సినిమాల్లోనే కాకుండా.. ఆల్ టైం సంక్రాంతి హిట్ రికార్డును కూడా సొంతం చేసుకున్నాడు ఎన్టీఆర్. ఇప్పటివరకూ సంక్రాంతి కిరీటం టాలీవుడ్ సూపర్ స్టార్ మహేష్ బాబు దగ్గరే ఉంది. శ్రీకాంత్ అడ్డాల డైరెక్షన్ లో మహేష్ - వెంకీలు కలిసి నటించిన మల్టీ స్టారర్ మూవీ సీతమ్మ వాకిట్లో సిరిమల్లె చెట్టు సినిమాతో.. 51 కోట్ల రూపాయల షేర్ రాబట్టాడు మహేష్. టాలీవుడ్ లో వచ్చిన సంక్రాంతి సినిమాలన్నిటిలోకీ ఇదే హైయెస్ట్ షేర్. ఇప్పుడా రికార్డును ఎన్టీఆర్ తుడిచేశాడు.

ఇప్పటికే 51 కోట్ల షేర్ మార్క్ ను నాన్నకు ప్రేమతో దాటేసింది. ఫుల్ రన్ లో ఈ సినిమా 55 కోట్లవరకూ రాబట్టే అవకాశాలున్నాయి. అయితే, పోటీ కారణంగా థియేటర్లు చాలకపోవడంతో... కొన్ని ఏరియాల్లో డిస్ట్రిబ్యూటర్లకు స్వల్పంగా నష్టం వచ్చే అవకాశం ఉంది. కానీ చాలా ఏరియాల్లో మంచి లాభాలే రానున్నాయి. సుకుమార్ బ్రిలియన్స్ - ఎన్టీఆర్ పెర్ఫామెన్స్ - రకుల్ గ్లామర్ డోస్.. అన్నీ కలిపి నాన్నకు ప్రేమతో మూవీని మెమరబుల్ హిట్ గా చేసేశాయి.