ఆన్ లైన్ రికార్డ్స్‌ కడిగేస్తున్న తారక్‌

జూనియర్ ఎన్టీఆర్ ప్రస్తుతం నాన్నకు ప్రేమతో చేస్తున్నాడు. సుకుమార్ డైరెక్షన్ లో వచ్చిన ఈ సినిమాకి సంబంధించిన టీజర్.. రికార్డులన్నిటినీ తుడిచిపారేస్తోంది. ఆన్ లైన్ లో రిలీజ్ చేసినప్పటి నుంచి ప్రతీ గంటా ఓ గంటా రికార్డే అన్నట్లుగా ఉంది ఎన్టీఆర్ వ్యవహారం. మొదటి గంటలో వ్యూస్ - మొదటి రోజు వ్యూస్ - ఫస్ట్ డే లైక్స్.. ఇలా చెప్పాలంటే.. ఆన్ లైన్ లో నాన్నకు ప్రేమతో తుడిచేసిన రికార్డులన్నీ కలిపితే.. అదో రికార్డ్ అయిపోతుందేమో.

బాబుబలి లాంటి ప్రెస్టీజియస్ మూవీకి కూడా మొదటి రోజున రానన్ని వ్యూస్, లైక్స్.. నాన్నకు ప్రేమతో సాధించింది. ఇది కేవలం నిర్మాతలు అఫీషియల్ గా విడుదల చేసిన టీజర్ కి సంబంధించిన లెక్కలు మాత్రమే. ఇక ఆ వీడియోని డౌన్ లోడ్ చేసుకుని అప్ లోడ్ చేసుకున్న డూప్లికేట్ వీడియోల లెక్కలయితే... అసలు వీడియోని మించిపోయాయి. ఇది కూడా పెద్ద రికార్డే. ప్రస్తుతానికి అఫీషియల్ టీజర్ ని 18 లక్షల మంది ఆన్ లైన్ చూసేశారు. దాదాపు 38 వేల మంది దీన్ని లైక్ చేశారు. ఇంత స్థాయిలో ఒక తెలుగు సినిమా టీజర్ కి రెస్పాన్స్ రావడం ఇదే ప్రథమం.

ఎన్టీఆర్ మూవీ కోసం ప్రేక్షకులు ఏ రేంజ్ లో ఎదురుచూస్తున్నారనే ఆసక్తికి ఇది నిదర్శనం. ఈ మూవీలో ఎన్టీఆర్ సరసన రకుల్ ప్రీత్ సింగ్ హీరోయిన్ గా నటిస్తుండగా.. సంక్రాంతికి రిలీజ్ చేయాలనే ఆలోచనలో ఉన్నారు. బాబాయ్ మూవీ డిక్టేటర్ తో ఏదైనా ఒప్పందం సెట్ అయితే మాత్రం.. జనవరి 1కే థియేటర్లలోకి వచ్చేసినా ఆశ్చర్యపోనవసరం లేదు. ఇలా ముందు వచ్చేస్తే.. అది ఇంకో రికార్డ్ అవుతుందనడంలో ఆశ్చర్యం లేదు.